هاوسەرۆکی دەبەپە کەسکین بایندر لە وان لە پیرۆزبای نەورۆز قسەیکرد و هەزاران کەس بەشداری پێرۆزبایکردنەکە بوون.

کەسکین بایندر وتی: "گەلی کورد بۆ ئازادی بەڕێز ئۆجالان لەسەر پێیە. گەلی کورد داوای ئازادی ڕێبەری خۆیان دەکەن. لە هەموو جیهاندا لە دژی گۆشەگیری و دوژمنایەتی گەلی کورد تێدەکۆشین. چی دەبیت با بێیت سەرکەوتن بۆ ئێمەیە."

هاتیمۆگوللاری: ئێمە تێکناشکێیین

دواتر هاوسەرۆکی گشتی دەم پارتی تولای هاتیمۆگوللاری قسەیکرد و وتی: "هەتا ئێوە لەگەڵمان بن، ئەوانەی هەوڵدەدەن لە ئەنقەرەوە فاشیزم بڵاوبکەنەوە، با باش بزانن کە ئێمە لە ناو ناچین. با ئەردۆغان ئەم گۆڕەپانە ببینێت، ببینێت گەلی کورد چۆن چاند، زمان و تێکۆشانی خۆی دەپارێزێت.

پەیامی بەڕێز ئۆجالان پەیامی ئاشتییە، پێشنیاری ژیان بۆ هەموو گەلان دەکات. داوا لە هەموو موخاتەبان دەکەین؛ پرسی کور پرسی ستاتۆیە و دەبێت چارەسەربکرێت. پرسی کورد پرسی هەر چوار پارچەی کوردستانە، پرسی گەلانە و دەبێت چارەسەربکرێت."

دوای قسەکان، پیرۆزبایکردنەکە بە گۆرانیەکانی حەلیمە عومەر بەردەوامی هەبوو.