خزم و پاسەوانەکانی ئیبراهیم خەلیل یڵدز پەرلەمانتاری ئاکەپە، ١٤ی حوزەیرانی ٢٠١٨ لە ناوچەی پرسوسی روحا هێرشیان کردە سەر خانەوادەی شەنیاشار. لە ئەنجامی هێرشەکەدا هاوسەر و دوو کوڕی دایکە ئەمینە شەنیاشار کوژران. بۆ دادگاییکردنی بکوژان، ئەمینە شەنیاشار و فەرید شەنیاشاری کوڕی کە ئەویش بریندارکرابوو، لە ٩ی ئازاری ٢٠١٩ەوە لە بەردەم دادگای روحا دەستیان بە ئیشکگری دادپەروەری کرد. چالاکی خانەوادەی شەنیاشار ٤٨٨ رۆژە بەردەوامە.

خانەوادەکە لە کاتژمێرەکانی سەرلەبەیانی ئەمڕۆی جەژندا چووە بەردەم دادگای روحا و دەستی بە چالاکیەکە کرد.

ئەمڕۆ زۆر کەس سەردانی خانەوادەکەیان کرد و جەژنیان پیرۆز کرد. هەروەها رێکخستنی پارتی کرێکارانی تورکیا لە روحا سەردانی خانەوادەی شەنیاشاری کرد. سەردانکەران پەیامی پشتگیریاندا و لەبارەی دوایین دۆخی خانەوادەی شەنیاشار قسەیان کرد.

ف.ق