ئۆسڵونە یاڏ و گەشمەرڏە هەڵمەتی و زیلانێ کریاوە
جە مییانو گلێرگە و دیموکراتیکو ئۆسلۆینە یاڏ و گەشمەرڏە دیار غەریب کریاوە جە یاڏکەردەوەکەینە جە ڕاو گفتوگۆی و بەڵگە فلیمێوە ئەوەکۆشای گەشمەرڏا وزیا وەر و باسی.
یاڏوستەیۆ گەشمەرڏەی
نەرویجو پایتەختو ئۆسلۆینە، جە مییانو گلێرگە و دیموکراتیکینە گەشمەرڏە دیار غەریب (هەڵمەت گابار) و زیلان (زەینەب کناجی) یاڏشا وستیمێ.
یاڏەکە کە بە سەرمەشقایەتی کۆمیتەو پانیشتوو نەرویجینە لوا ڕاوە، بە دەقێوە ڕێزگێرتەی جە گیانو گەشمەرڏا ئازادیی کوردەسانی دەسش پنەکەرد.
دماتەر هیوا دیلانی هەمڕاو گەشمەرڏە دیار غەریبی قسێش کەردێ و باسش جە رۆحو ئەوەکۆشای و کەسایەتیی شۆڕشگێڵو دیاری غەریبی کەرد
یاڏەکەنە سەر و ژیوای و ئوەکۆشای دیار غەریبی و زیلانێ دیمەن نیشانەدریا. دماتەر ئایسەل کۆچە، هامسەرۆکە و ئەنجوومەنە و ئۆسلۆی سەر و گەشمەرڏەبییە و زیلانێ قسێش کەردێ.
چالاکییەکەنە قۆمێ و هەمڕێ دیار غەریبی، ئاری قەرەداغی، هەڤاڵ ئاسۆ و محمد قەرەداغی سەبارەت بە ژیوای و هەڵوێسی سیاسیی گەشمەرڏەی قسێشا کەردە.
مەراسیمەکە بە سڵام کەردەی جە مڏرامان و دیار غەریبی، زیلانێ و گرڏ و گەشمەرڏا دمایش ئاما.
