شارو مارسیلیاو فەرەنساینە، یووە جە نامە سیمبولیەکا پەکەکەی، گەشمەرڏە زیلانە (زەینەب کناجی) و فەرماندەی گەشمەرڏە دەلیل تەمەل (خەتیب ئارتوک) کە ٢٠٢١ گەشمەرڏە بی، یاڏێ کریێوە. جە ستراسبۆرگیچەنە گەشمەرڏە زیلانە یاڏە کریاوە.
ئا چالاکییەی جە مارسیلیانە بە سەرمەشقایەتی ئەنجوومەنو ژەنا ئارین میرکانی ئەنجامدریا، بە دەیەقێوە مردای پەی یاڏو گەشمەرڏا کوردەسانی دەسش پنە کەرد.
جە چالاکییەکەنە، بەڵگەفیلمێوە دەربارەو ژیوای گەشمەرڏە زیلانێ و دەلیل تەمەلی نیشانە دریا.
هەرپاسە جە لایەنو ئەنجوومەنو ژەنا ئارین میرکانیوە، نامەو گەشمەرڏە زیلانێ ونیاوە. جە ئەرەیاوناو بنەیانەو گەشمەرڏا مارسیلیاینە، وچیا: "پەنەوازا گرڏ کوردێوە وەرا وەر پا ژیوایە شکۆدارەی کە سەوقاتی گەشمەرڏان، هەڵوێسێوە شکۆدار و لایەق پی شکۆیە بۆ".
چالاکییەکە بە درووشمۆو "بژیوۆ سەرۆک ئاپۆ"ی و "گەشمەرڏێ نمەمرا" دمایش ئاما.
ستراسبۆرگ
جە شارو ستراسبۆرگو فەرەنسای، گەشمەرڏە زیلانە بە چالاکیێوە یاڏەکریاوە. چالاکییەکە جە لایەنو میانو گلێرگەو کوردی دیموکراتیکیوە ڕێکوزیا، سەئات ١٣:٠٠ بە بەشداریێوە فرەو گەلی دەسش پنە کەرد.
چالاکییەکە پەی یاڏکەردەیۆ گەشمەرڏا کوردەسانی و شۆڕشی، بە دەیەقێوە ڕێزگێرتەی دەسش پنە کەرد. دماتەر بەڵگە فیلمێوە دەربارەو ژیوای و ئەوەکۆشای گەشمەرڏە زیلانێ نیشانەدریا.
مەراسیمەکە بە هۆرسەنگنای و وتارەی سیاسی دەربارەو ماناو ئا ڕۆحە فیداییەی کە گەشمەرڏە زیلانە جە هێڵۆو ئازادیی ژەنێنە وەششکەردەن، دمایش ئاما.
