ژەنی وەرنیشتێ کوردەسانی جە دەسپێکو شۆڕشیۆ تا ئارۆ دەقە بە دەقە  بەردەوامی بە مڏرامانی و ئەوەکۆشای مرانە و مۆرە و وێشا جە مێڏانو ژەنا و کرێکارا و خەباتی دان. هەرمانەکا ئەرەمەزیارە و ژەنی ئازادی سوریاش یۆن چا خەباتا کە پایێوە سەرەکیی وەڵوستەی و گۆرە کەردە و ئەوەکۆشای ژەنان.

سوڵتانێ خشۆ، ڕاوەبەرە و ئەرەمەزیا و ژەنی ئازادێ سوریانە سەر و دەسپێکو ئەرەمەزیا ئەرەمەزیاکا ژەنا ئازاد و میکانیزمو هەرمانەکا ئەرەمەزیاکەی قسێش کەردێ و واتش، "ئەرەمەزیا و ژەنێ ئازادی جە تشرینو یوەم و ٢٠١٤ بە سەرمەشقایەتی پەنچ ژەنێ و دەرفەتی فرە کەم ئەرەمەزیان. هەرمانەی سەرەتاییە و ئەرەمەزیاکا ژەنی ئازادی وەڵاکەردەیۆ ڕاپەرسی بێ دلێ  خەڵکینە و بە پاو ئەنجامەکا ڕاپەرسی هەرمانە و خەباتەکا ئێمە جە ئەرەمەزییەکا ژەنانە وەڵێ کەوتون.

ئامانجو ئەرەمەزییاکەی بەرێکوزتە و ژەنان

سوڵتانێ خشۆ جە بەردوامی قسەکاشەنە باسو ئامانجو هەرمان کەردە و ژەنێش کەرد و واتش: "ئامانجو سەرەکیی هەرمان کەردەی ئەرەمەزیا و ژەنێ وەڵێ وستە و ژەنا و زاڕۆڵان. جە سەرانسەرو وەرکەوتوو دلێڕاسەینە مافەکا ژەنا و زاڕۆڵا پاشێلێ کریا. بەتایبەتی ژەنی کە پێسە و پلە دووێ تەماشە کریا. ئێمەش گەرەکما بێ هامکاری پێشکەش بکەرمێ با بەرە کە جە گرڏ ڕووێوە بە ئەرکو وێس هورسۆنە بەڵام دان بە مافەکارە مەنریۆ. جە سەرەتانە ئێمە یانە بە یانە گێڵێنمێ تاوەکو ژەنی دلێ ئەرەمەزییاکانە بەڕێکوزتەی بکەرمێ و هەرمانە و ئەرەمەزییا ژەناشا پنەپشناسمێ."

ئەرەمەزنارە و ژەنێ بە شناسنامە و ژەنێ هەرمانە مکەرۆ

سوڵتانە ئاماژەش پانەی کەرد جە ساڵە و ٢٠٢٠ نامێ ئەرەمەزیارە و ژەنی فاڕییا و با جۆرە قسێش لەردێ: "جە ساڵە و ٢٠٢٠ـدا ئێمە نامێ ئەرەمەزنارە و ژەنێما فاڕا. جە سەرەتانە نامێش ئەرەمەزنارە و ژەنا ئازادی وەرنیشتی بێ بەڵام دماتەر درک پانەی کریا کە ئەرەمەزنارە و ژەنا ئازادی بە ناسنامەو ژەناوە هەرمانە مکەرا نەک بە ناسنامە و هەرێمەکەی، وەر و ئانەی نامەکێما کەرد بە ئەرەمەزنارە و ژەنێ ئازادی سوریای."

پەنەوازا ژەنی حەقیقەتو وێش پشناسۆ

سوڵتانە ئاماژەش پانەی کەرد، هەرمانە و ئەرەمەنارە و ژەنێ ئازادێ سەر و بنەماو کۆمیتەکا ملۆڕاوە و واتش، "هەرمانە و ئەرەمەزیارە و ژەنێ سەر و ئەرەمزنارەی و بنەماو کۆمیتەکا ئەرەمەزیان، حەر پۆکەی ئا کۆمیتا جە وێ گێرۆنە ئینێنێ؛ کۆمیتەو پەروەردەی، کۆمیتەو تەندروسی، کۆمیتە و پرۆژەی، کۆمیتەو دیپلۆماسی، کۆمیتەو مافناسی، ئەرشیف و ئەرەیاونای. ئامانجما ئانەن ژەنەی بەهێزە و ژەنێوە کە مافەکا وێش پشناسۆ بنیاد بنییەیمێ. وەر و ئانەی جە گرڏی زیاتەر تاوۆنە گلێرگە و دیموکراتیکی بنیات بنیۆ ژەنینە.

ژەنی هەرمانەی هەرە پیرۆزە ئەنجام مرانە

سوڵتانە باسش چانەی کەرد، جە گرڏ و کۆمیتەکا ئیسەینە بەشو پراکتیکی و تیۆری هەن و واتش، "گرڏ و کۆمیتەکا ئیسەیما چی بەشا پێکمێ، بەشو تیۆری هەن. پاڵو هەر هەرمانێ پراکتیکێنە هەرمان کەردە و تیۆری گرنگیی وێش هەن. جە دۆز ئازادیی ژەنێنە سەربەخۆیی دارایی لایەنێوە گرنگا. حەر پۆکەی چی بارۆ پڕۆژە پەی ژەنا پەرەش پنەدریان. وەر و ئانەی ژەنی هەمیشە تەنیا چەمەڕای هەرمانە و یانەی و وەی کەردە و زاڕۆڵاش چنە کریان، کە جە حەقیقەتەنە پیرۆزتەرین هەرمانەنە، بەڵام بەمەڵامەتو نەیاواینە جە گلێرگەی ئی هەرمانێ ژەنێ بە کوڵانێ وینریێنە.