مېیانو چاپەمەنی و ئەرەیاۋنای هێزەکاو پارېزنای گەلی (هەپەگە-نەڕەچە) سەبارەت بە گەریلا گەشمەرڎەکاما ئینەش پەی ڕای گرڎینی وەڵا کەرڎۆ:

"بە ڕێزو و پنەزانایۆ یاڎو هەڤاڵاما بێریتانې، بروسک، هیڤدایې، دژوار و قەهرەمانی کە جە مانگۊو حوزەیرانو ٢٠١٩ جە ناوچە جیاجیاکا هەرێمەکاو پارېزنای مەدیاینە گەشمەرڎې بیۍ، بەرز ڕاگێرمې.

هەڤاڵەکېما کە بە وڵاتپارێزنیێوە بەرزۆ ئەرکە شۆڕشگێڵنیەکێشا ئەنجامدې، بە بەشداریی بێ ڕیایی ۋێشا تاواشا بانې بە کۊششکارې فیدایی ئاپۆیی. هەڤاڵاما بە هۆشیاریی تاریخیۆ ۋەرا ۋەر بە هرووژمەکا سوپاو تورکی مردێوە و سەرو جابەجێکەردەی تاکتیکو ئا قۆناغەیە مڎرامانی بێوێنەشا  ڕاوەبەر کەرڎ و ئەرکی شۆڕشگێڵنیی ۋێشا جە سەختتەرین مېڎانەکانە جە ئەستۆ گێرت. هەڤاڵاما بەبێ ئانەی ۋېشا جە حیچ فیداکاریێوە دور دارا، ئەوەکۊشای فیداییانەشا کەرڎ بە ئامیانو هەرمانەکاشا و مەعنێوە گۊرێشا بە گرڎ ساتێوە ژیۋای ئەوەکۊشایشا بەخشا و تاواما سەرکۊتەی گۊرە بەدەس بارمې. پۊکەی هەڤاڵاما بێریتانە، بروسک، هیڤدا، دژوار و قەهرەمان جە دڵو گرڎو هەڤاڵەکاشانە مەنێوە و جە هەمان کاتەنە بیێنې بە مەڵامەتو بەردەوامی زیاتەرو ئەوەکۊشای ئێمە.

سەرو ئا بنەمایې جارێوەتەر قەولو وێما واوەی مکەرمېوە کە ئاڵاو ئا ئەوەکۊشایەی کە هەڤاڵا ئێژایما بە فیداکەردەی گیانو ۋێشا پەی پارېزنای دەسکەوتەکا گەلەکەیما پنەشا سپارېنمې، بە هوشیاریی و ئانەی کە بیمې لایەق بە گرڎو گەشمەرڎاما بەرز ڕاگێرمې.

هەرپاسە پرسە و سەرەوەشی ۋێما ئاراسەو بنەیانەی ئېژاو هەڤاڵە گەشمەرڎةکاما بێریتانې، بروسک، هیڤدایې، دژوار و قەهرەمانی و گرڎو گەلی وڵاتپارێزنیما و کوردەسانی مکەرمې.

شناسنامەو هەڤاڵە گەشمەرڎەکاما پی جۊرەنە:

ناسنامې / بێریتان هارۆنە

نامې و دما نامې / بێریڤان ئاراز

شۊنەماو جە ئەڎابیەی / سێرت

نامۍ ئەڎې و نامې تاتەی / حەسیبە-محەمەد

شۊنەماو کاتو گەشمەرڎەبیەی / ١٥و حوزەیرانو ٢٠١٩/ مەتینا

**

ناسنامې / بروسک ئاندۆک

نامې و دما نامې / یوسف بولوک

شۊنەماو جە ئەڎابیەی / وان

نامۍ ئەڎې و نامې تاتەی / بەهیچە- گورگین

شۊنەماو کاتو گەشمەرڎەبیەی / ٤و حوزەیرانو٢٠١٩ / خواکورک

**

ناسنامې / هیڤدا پیرۆسی

نامې و دما نامې / ڕۆژبین ئاکدۆغان

شۊنەماو جە ئەڎابیەی / شڕنەخ

نامۍ ئەڎې و نامې تاتەی / ساریا- حازم

شۊنەماو کاتو گەشمەرڎەبیەی / ٦و حوزەیرانو٢٠١٩/ هەرێمەکو پارېزنای مەدیای

**

ناسنامې /  دژوار لەتەر

نامې و دما نامې / جاڤید ئەلپاسلان کلنچ

شۊنەماو جە ئەڎابیەی / موش

نامۍ ئەڎې و نامې تاتەی /  ڤەسیلە- فوزر

شۊنەماو کاتو گەشمەرڎەبیەی / ٦و حوزەیرانو ٢٠١٩/ خواکورک

**

ناسنامې / قەهرەمان کۆبانێ

نامې و دما نامې / مستەفا حەنیفی

شۊنەماو جە ئەڎابیەی / کۆبانێ

نامۍ ئەڎې و نامې تاتەی /  گوڵستان- ئەحمەد

شۊنەماو کاتو گەشمەرڎەبیەی / ١٧و حوزەیرانو ٢٠١٩/ هەرێمەکې پارېزنای مەدیای.

**