لقەکا مێرسینی و ئەدەنەی جەمە و یاسائشناسا پەی ئازادی (ئۆهەدە)، جە تەلارە و کۆنفرانسو ئەکادیمی شارو تازەی چێرو نامێ "جە ڕاو ئاشتینە مافو هیوای" پانێڵێوەشا ڕێکوزت. جە سەرەتادپنە مەلەک ساراڵد، هامسەرۆکو لقو مێرسینی ئۆهەدە قسێش کەردێ و واتش، دادگاو مافو مرۆڤو ئەوروپای سزاو هەتاهەتای قورسکریای بێ دەرفەتو ئازادبییەی پێسە و "ئەشکەنجە و مامەڵەی خراپ" هورسەنگنۆنە. مەلەک ساراڵد باسش چانەی کەرد کە دادگاو مافو مرۆڤو ئەوروپاش سزاو تاهەتایی قورسکریا جە چوارچێوەو "ئەشکەنجە و مامەڵەی خراپەنە" پێسە و پاشێلکەردە و "مافو هیوا" ی هورسەنگنۆنە. مەلەک ساراڵد واتش، دادگاو مافو مرۆڤو ئەوروپای قەرارو "مافو هیوا"ی پەی ڕابەر ئاپۆی بەرکەردەن بەڵام تورکیا جابەجێش مەکەرۆ و پینەیش مافو ژیوایش پاشێل مکەرۆ.

جەنگیز چیچەک، نوێنەرو دەم پارتی جە پانێڵێوەنە قسێش کەردێ و ئاماژەش پانەی کەرد کە ڕابەر ئاپۆ ساڵانێوەن جە گۆشەگیریی و زینانەنە مەنەنۆ.

چیچەک پی جۆرە درێژەش بە قسەکاش دا: "سەرەتا پەنەوازا بییە و گەلێوە قبووڵکریۆ. ویر کەردەو  گەلێوە ئانە ٥٠ ساڵێن ماچۆنە 'من هەنا' و پەی ئانەی کۆشش مکەرۆ. پەنەوازا مافو هیواو ئۆجالانی تەنیا چانەینە بەتاکەکەسی کولانە نەکریۆوە. وێش هەر وەر و ئی مەڵامەتەی گۆش بە بابەتو تاکەکەسیی وێش مەرۆ. یۆ جە تایبەتمەندییە گرنگەکا ئۆجالانی ئانەن کە مافو تاکەکەسیی وێش دلێ مافو بە کۆمەڵیمە یاگێ مکەرۆوە. یان مافو هاموولاتیبیەو وێش دلێ مافو بەکۆمەڵو گەلێوەنە یاگێ کەرۆوە. ئامانجو سەرەکی عەبدوڵا ئۆجالانی ئانەن کە گەلوو کوردی جە بەرەو مافینە بلۆ ژوور.

تەمامو ڕەهەندەکا یاسێ کاتێ بابەتەکە مێ سەر و کوردی و ئۆجالان گم بۆ. ئی بارودۆخە جە ڕوێنە ناما دی. جە ماوێوە درێژەنە ئینە ئەنجامدریا. دۆڵەت نەتەوە، هەوڵ مرۆ گرڏ و ئا کارەکتەرە یاساییا بەدوژمنو وێشا مزانۆ دلێنە بەرۆ و لاوازشا بکەرۆ. حەر وێش لۆجیکو گۆشەگیری چانەینە سەرچەمە گێرۆ."