سەندیکای ڕۆژنامەنووسانی کوردستان ڕایگەیاند، لە ماوەی شەش مانگی سەرەتای ئەمساڵدا، ٨٠ ڕۆژنامەنووس پێشێلکارییان بەرامبەر کراوە و ٢٢ڕۆژنامەنووسیش دەستگیرکراون.
سەندیکای ڕۆژنامەنووسانی کوردستان لەبارەی پێشێلکارییەکانی شەش مانگی یەکەمی ساڵی ٢٠٢٣ راپۆرتێکی بڵاوکردەوە و ڕایگەیاند، لە ماوەی شەش مانگی ئەمساڵدا، ٨٠ ڕۆژنامەنووس، ٤١ جار پێشێلکارییان بەرامبەر کراوە.
سەندیکاکە ئاماژەی بۆ ئەوەش کردووە، "تاوانەکانی پێشێلکاری، هەڕەشە، دەستگیرکردن، ڕێگری لە ڕوماڵکردن و لێدان بەرامبەر ڕۆژنامەنووسان ئەنجامدراوە و ٢٢ ڕۆژنامەنووسیش دەستگیرکراون".
بە گوێرەی ڕاپۆرتەکە، زۆربەی پێشێلکاریەکان بەپێی ڕیزبەند لە هەولێر، دهۆک، سلێمانی و هەڵەبجە ئەنجامدراون.
ژ.ن
