حکومەتی عێراق دەستی بە هەوڵەکانی بۆ گەمارۆدانی کامپی پەنابەرانی مەخمور کرد و بۆ ئەوەش دەیەوێت دەوروبەری کامپەکە بە تێلی دڕکاوی بگرێت. دەیان ئۆتۆمبێلی زرێپۆش، بازگەکە و دەروازەی کامپەکەیان گرتووە و دەیانەوێت بچنە ناو کامپەکەوە و بە تێلی دڕکاوی دەورووبەری کامپەکە گەمارۆ بدەەن.

حکومەتی عێراقی دەیان ئۆتۆمبێلی سەربازیی بە چەک، شۆفڵ و حەفارە و تێلی دڕکاویی بە دەوروبەری کامپەکەدا بڵاوەپێکردوە و دەیەوێت دەوروبەری کامپەکە بە تێلی دڕکاوی گەمارۆ بدات.

خەڵکی کەمپەکە دەستە دەستە بەرەو بازگەکە دەڕۆن و دژی ئەو هەوڵەی عێراق وەستاونەتەوە.

ئەوە لە کاتێکدایە سوپای عێراق لە ۲۷ی کانوونی یەکەمی ۲۰۲۱ دا هەوڵی دابوو کامپی مەخمور بە تێلی دڕکاوی گەمارۆ بدات، بەڵام بەهۆی بەرخودانی خەڵکی مەخمورەوە ناچاربوون بکشێنەوە و دەست لەو هەوڵەیان هەڵبگرن.

ژ.ت