بەگوێرەی سەرچاوەکانی هەواڵ، دەوڵەتی ئێران لە شاری سنەی رۆژهەڵاتی کوردستان سزای ١١ ساڵ زیندانی بەسەر سەیوان ئیبراهیمی مامۆستای زمانی کوردیدا سەپاندووە.

راگەیەندرا کە دادگای ئێران بە پاساوی 'هەوڵدان دژی ئاسایشی نەتەوەیی لە رێگەی دروستکردنی رێکخراو" سزای ١٠ ساڵ و بە پاساوی "پڕۆپاگەندە دژی دەوڵەت"یش سزای ساڵێک زیندانی بۆ سەیوان ئیبراهیمی بڕیوەتەوە.

سەیوان ئیبراهیمی هاوژینی زارا محەمەدی مامۆستای زمانی کوردییە، کە ساڵی رابردوو پێنج ساڵ سزای زیندانی بەسەردا سەپێندرا و دواتر بە لێبوردنی گشتیی ئازادکرا.

هـ . ب