ناوەندی ڕاگەیاندنی هێزەکانی سووریای دیموکراتیک (قەسەدە) دیمەنی نوێی چالاکییە کاریگەرەکانی یەکینەکانی بەرگریی ئاسمانیی شەهید هارونی تایبەت بە ئۆپەراسیۆنە ئاسمانییەکانی قەسەدە، بڵاوکردەوە.لە دیمەنەکاندا دەردەکەوێت لە گوندەواری مەنبەج و دەوروبەری بەنداوی تشرین وەڵامی توندی چەتەکان دەداتەوە. هاوکات لە دیمەنەکاندا بە ئامانجگرتنی چەتەکانی دەوڵەتی تورک و ئامرازەکانیان ئاشکرا دەبێت.

هەروەها دەردەکەوێت کە زرێپۆشێکی تورکیا چەتەیەکی بریندار دەشێلێت و ناهێڵێت هەڵبێت، بەهۆی زۆری ژمارەی چەتە کوژراوەکانەوە، چەتەکان لەنێو ترس و پشێوییەکی مەزندان.

پێشتریش ناوەندی ڕاگەیاندنی قەسەدە، دیمەنی تێکشکاندی زرێپۆشێکی لەلایەن یەکینەکانی شەهید هارونەوە بڵاوکردەوە.