ناوەندو ئەرەیاونای قەسەدەی دەربارەو مڏرامانی جە دەگاو پانشتوو وەرکەوتوو منبجی و قۆڵو جەنگی دێر حەفیرینە ئەرەیاونێوەش وەڵاکەردۆ و ئاماژەش پانەیەدان جە دژو هرووژمەکا دۆڵەتو تورکی و چەتەکا ئەنجومەنو سەروازی منبجی بە قارەمانێتیێ گۆرە جواب و هرووژمەکا مرەیمێ و زەرەرێ فرەشا ونە مرەیمێ.

جە ئەرەیاوناکەو قەسەدەینە ئی زانیاریێ وسیێنێ ڕووە:

 "هیزی سەعات ٩و وێرەگای فڕۆکەی جەنگی دۆڵەتو تورکی ئەرەگیری ٥ هرووژمێ قورسێ سەرو بەنداو تشرینی و دەگاکا دەوورووبەرو منبجش ئەنجامدان و هرووژمەکێ بە تۆپ شانای بەردەواما. وە جموجۆڵو فڕۆکەی بێفڕۆکەوانی جە ئاسمانو هەرێمەکەینە تا شەوێ دێرێ بەردەوام بێ.

دۆڵەتو تورکی سەرقاڵو ئاردەی چەکی قورسییا پەی ئانەی بنکێوە سەروازی جە گردێوە نزیک بەنداو تشرینی درووس بکەرۆ. یەکینەو گەشمەرڏە هاروونی دژو ئا هەوڵا چالاکیش ئەنجامدا و جە ئەنجامەنە تۆپ شانێوە گۆرە و سیستەمێوە تۆپ شانای گرادی دلێنە بریا. یەکیەنەکە کاروانێوە سەروازیش کەرد ئامانج و جە ئەنجامەنە کوشیاو چنین ئەرەگیرێ و چەتێش چنەکەوتێ. بەڵام ژمارەو کوشیایا دیاری نەکریان. دەرنجام گرڏو ئا چەتێ هورئامێ کە پەی مەبەسو ئەرەمەزنارەو بنکە سەروازییەکەی ئاردێبێنێشا.

جە بەرەو دێرحافری، جە دەگاکا حەبوبایش یەکینەو گەشمەرڏە هاروون گورزەش جە ترۆمبێلێوە گۆرەو سەروازی چەتەکا دا. جە ئەنجامەنە تڕۆبێلەکە بەتەمامەرپتی مەڕیا و چەتە سەرنشینەکێ کوشیێ. جە شارۆچکەو دێر حافری درۆنێوە وێکوشو چەتەکا توقاوە، بەڵام حیچ زەرەرێش چنە نەکەوت. جە هەمان کاتەنە جە ئاسمانو هەرێمەکەینە جموجۆڵو  درۆنەکا دۆڵەتو تورکی ئەرەگیری بێ.

جە ٢ ڕۆی وېیەردەنە ئەنجومەنو سەروازی منبجی جە هەرێمەکا پانیشتوو وەرکەوتوو منبجی و دەگاکا بەنداو تشرینینە گورزەی قورسەش جە چەتەکا دۆڵەتو تورکی شانێبۍ. نزیکەو ٧٢ چەتێ کوشیێ و دەیان زامڎارێچشا بێنێ. هەرپاسە چڼین زرێپۆشێ و تڕۆمبێلێ سەروازیێ دلێنەبریۍ."