جەمەو مافەکا مرۆڤو کوردەسانی جە گوزارشتەو ساڵانۍ ۋێشەنە تایبەت بە پاشێلکارییەکا مافەکا مرۆڤی جە ۋەرکۊتوو کوردەسانینە جە ساڵۆو ٢٠٢٤ ئەرەیاۋنابێش، کە چا ساڵێنە ١٥٦ کەسۍ کە ٤ کەسێشا ژەنی بیێنۍ جە قەنارە دریێنۍ. بە پاو گوزارشتەکۍ ٥٨٦ کەسۍ کە ٣٠ کەسێشا ژەنینۍ گیریێنۍ و بە گرڎی سزاو ٣٩٨ ساڵا و ٣ مانگا زینانی سەرو ١٣٢ کەسارە سەپیان.

جەمەکۍ جە گوزارشتەکێشەنە ئانەش وست ڕووە کە جە ساڵۆو ٢٠٢٤ینە ٩٧ ژەنۍ و ١٥٦ پیۍ واتە بە گرڎیی ٢٥٣ کەسۍ  بە مەڵامەتوو رووەدای جیاجیایۆ گیانشا جە دەسدان و ئەرەیاۋېیا کە ١٠٦ پیۍ و ٤٧ ژەنۍ بە گرڎیی ١٥٣ کەسۍ کوشیێنۍ.

جەمەو مافەکا مرۆڤی بە ئاماژەدای بە فشارەکاو دۆڵەتی پەی سەرو رێکوزیا مەدەنییەکا و ئەرەیاۋناکا، ئانەش وستەن ڕووە کە چانەی مشۆ ئامارەو حەقەتینو پاشێلکارییەکا چانەی زیاتەرە بۆ.