کۆمەڵەی مافەکانی مرۆڤی کوردستان لە راپۆرتی ساڵانەی خۆی تایبەت بە پێشێلکارییەکانی مافەکانی مرۆڤ لە رۆژهەڵاتی کوردستان لە ساڵی ٢٠٢٤ رایگەیاندبوو، کە لەو ساڵەدا ١٥٦ کەس کە ٤ کەسیان ژن بوون لەسێدارەدراون. بە گوێرەی راپۆرتەکە ٥٨٦ کەس کە ٣٠ کەسیان ژنن دەستگیرکراون و بە هۆی گشتی سزای ٣٩٨ ساڵ و ٣ مانگ زیندان بە سەر ١٣٢ کەسدا سەپێندراون.

کۆمەڵەکە لە راپۆرتەکەیدا ئەوەی خستەڕوو کە لە ساڵی ٢٠٢٤دا ٩٧ ژن و ١٥٦ پیاو واتە بە گشتی ٢٥٣ کەس  بەهۆی رووداوی جیاجیاوە ژیانیان لەدەستداوە و راگەیەندرا کە ١٠٦ پیاو و ٤٧ ژن بە گشتی ١٥٣ کەس کوژراون.

کۆمەڵەی مافەکانی مرۆڤبە ئاماژەدا بە گوشارەکانی دەوڵەت بۆ سەر رێکخراوە مەدەنییەکان و راگەیاندنەکان، ئەوەی خستووەتەڕوو کە پێدەچێت ئاماری راستەقینەی پێشێلکارییەکان لەوە زیاتر بێت.