مەراسیمێوە شکۊدار شارو سلێمانینە، پۍ چلۍ گەشمەرڎە محەمەد مەلەکی، شۊڕشگێڵی و خەباتکارو یاۋنەری ئازاڎیی، ئشناسیا بە کاروان هۊرامی دەسشپنەکەرڎ.

ئیسە جە یانەو سندینە جە شارو سلێمانی، مەراسیمو چلۍ ، گەشمەرڎە محەمەد مەلەکی ئشناسیا بە کاروان هۆرامی، شۊڕشگێڵی ئازاڎیی کورڎسانی و ئەنڎام و خەباتکارو یۊبیەی یاۋنەری دیموکراتی-یەرەدەی، دەسشپنەکەرڎ.

جە مەراسیمەکەنە جەمۍ جە ڕۊنامەنوۋیسا و ھامڕۍ و هامکارا گەشمەرڎە کاروان هۆرامی و چن کەسایەتیێوە ئازاڎییوازی بەشڎارۍ مەراسیمەکەینۍ.

سەرەتا جە لایەن و خانەواڎەو گەشمەرڎاوە چل مۊمۍ گیسیێنە، پۍ ڕێزگێرتەی جە ڕۊحو گەشمەرڎە کاروان هۆرامی..

پاسە قەرارا جە درێژەو مەراسیمەکەینە، بەڵگەفیلمێوە سەرو ژیۋای و کۊشیای گەشمەرڎە کاروان هۆرامی نیشانە بڎریۊ و چن قسۍ و بەیاننامێوە پێشکەش کریۊ

ھ . ش