دەوڵەتى تورک خۆپیشاندانى لە شرنەخ بۆ ١٥ رۆژ قەدەغە کرد
پارێزگاری دەوڵەتى تورک لە شرنەخ بۆ رێگریکردن لە چالاکییەکانى ناڕەزایەتى لە دژی دەستبەسەرداگرتنى شارەوانییەکانى هەدەپە بۆ ماوەى ١٥ رۆژ چالاکی و خۆپیشاندانى لە شرنەخ قەدەغە کرد.
پارێزگاری دەوڵەتى تورک لە شرنەخ بە پاساوی دانانی قەیوم لە ٣ شارەوانیى گەورە شارەکانى هەدەپەدا، چالاکی و خۆپیشاندانى لە شرنەخ بۆ ماوەى ١٥ رۆژە قەدەغە کرد.
قەدەغەکارییەکە لە ٢٣ی ئابی ٢٠١٩ / تاوەکو ٦ی ئەیلولی ٢٠١٩ بەردەوامیى دەبێت.
سەرنجڕاکێش ئەوەیە، راگەیاندراوی پارێزگاری تورک بۆ ئەو قەدەغەکارییە ٣ رۆژ لە دواى بڕیارەکەیان بڵاوکراوەتەوە.
ژ.ت
