چالاکییەکە بە پێشەنگایەتی تەڤگەری گەنجانی شۆڕشگێر (تەجەشە) لە پێناو ئازادی جەستەیی ڕێبەر ئاپۆ ئەنجام درا.

لۆزان

لە گۆڕەپانی ڕوی ساینت لاورینتی لۆزان، ئەندامانی تەجەشە لێکترگردبوونەوە و داوای ئازادی جەستەیی ڕێبەر ئاپۆیان کرد.

سەرۆک شارەوانی لاوسان پۆپ، جولیان شواب پشتگیری دا بە چالاکییەکە و گوتی: "وێڕای ئەو شەڕەی چەندین ساڵە لە دژی گەلی کورد بەڕێوەدەچێت، بەڵام گەلی کورد گەلێکی زیندووە و هەموو کاتێک داوای ئاشتی دەکات."

جولیان شواب سەرنجی خستەسەر بانگەوازییە مێژوویەکی ٢٧ی شوباتی ڕێبەر ئاپۆ و دەسنیشانیکرد بانگەوازییەکە بۆ کۆتایهێنان بە شەڕ و پەڕینەوەیە بۆ ئاشتی و گوتی: "پێویستە سویسرا هەموو کارێک بکات بۆ ئازادی جەستەیی بەڕێز عەبدوڵا ئۆجالان و فشار لەسەر تورکیا بکات."

هەر لە گردبوونەوەکەدا هاوسەرۆکی چاندی کوردی لۆزان، موسا ئیتاح قسەیکرد و ئاماژەی بەوەدا وێڕای گۆشەگیری سەختی ئیمراڵی ڕێبەر ئاپۆ پرۆسەی چارەسەری دەستپێکرد و گوتی: "گەلی کوردیش خاوەنداری لەم بانگەوازییە کرد و بۆ بونیادنانی کۆمەڵگەیەکی دیموکراتیک هەنگاوی گرنگی ناوە."

دواتر لەسەر ناوی تەجەشە، ئەحمەد تۆری بڵاوکراوەی زانیاری خوێندەوە و دەستنیشانی کرد تا ڕەخساندنی ئازادی جەستەیی ڕێبەر ئاپۆ لە گۆرەپانەکاندا دەبن و بەردەوام دەبن لە چالاکی.

گردبوونەوەکە بە گوتنەوەی درووشم کۆتای هات.

وینتەرتور

چالاکی لە وینتەرتور بە گردبوونەوە و گوتنەوەی درووشم دەستیپێکرد. دواتر ئەندامی تەجەشە میران مێردین قسەی کرد و دەستنیشانی کرد گەنجانی کوردستان بۆ ئازادی جەستەیی ڕێبەر ئاپۆ لە گۆڕەپانەکاندا دەبن و چالاکی بەرفراوانتر ئەنجام دەدەن.