چاوەڕوان دەکرێت کەسانێکی زۆر بەشداری فیستیڤاڵەکە بکەن کە لە چوارچێوەی "ئازادی بۆ ڕێبەر ئاپۆ، چارەسەری سیاسی بۆ پرسی کورد" لە ٢٢ ی حوزەیران ئەنجام دەدرێت.

کۆمیتەی ئامادەکار ڕایگەیاند ئامادەکاریی تەواوکراوە بۆ بەشداربوونی کوردان لە شارە جیاوازەکان،  هەروەها تیشک دەخاتەسەر ئەو کەشوهەوا ئەرێنییەی کە "بانگەوازی ئاشتی و کۆمەڵگەی دیموکراتیک"ـی ڕێبەر ئاپۆ ئافراندووییەتی.

ژنان و گەنجان لە هۆڵەندا و بەلژیکا و بەتایبەت لە ئەڵمانییەوە بەشداری فیستیڤاڵەکە دەکەن. چەندین ڕێکخراوی ژنان ستاند دەکەنەوە و خواردنە کوردییەکان دەناسێنرێن.

هەروەها لە فیستیڤاڵەکەدا ئامادەکاریی تایبەت کراوە بۆ منداڵان و چالاکی تایبەت بە منداڵان بەڕێوەدەچێت. گرووپی هەڵپەڕکێی منداڵانیش ڕەنگێکی تر دەدەن بە فیستیڤاڵەکە.

بەرنامەکان

هونەرمەند شیار و دژوار و شەریف عومەری و هەڵبەست ئاری و غیاسەدین بەشداری فیستیڤاڵەکە دەکەن.

لەسەر ناوی کۆمیتەی ئامادەکار، سیاسەتمەداری کورد غالب سۆنمەز بانگەوازی لە هەموو کوردستانیانی فەرەنسا و وڵاتانی دەوروبەر کرد، بەشداری فیستیڤاڵەکە بکەن.