ئەنجوومەنی بنەماڵەی شەهیدانی شاری ترپەسپی تەرمی شەڕڤانی هێزەکانی سوریای دیموکراتیک (قەسەدە) شەهید ئەحمەد قامیشلۆ (مستەفا ئەحمەد مەتراس) کە ١٤ ی کانوونی دووەم لە بەنداوی تشرین شەهیدبووە، شەهید عاید تربەسپی (عومەر ئەل حەبیب) کە ٢ ی کانوونی دووەم لە بەنداوی تشرین شەهیدبوو، شەڕڤانی هێزەکانی خۆپاراستن شەهید حوسێن جاسم ئەل حوسێن کە لە زرگان لە ئەنجامی ڕووداوێکدا لە ١٧ ی حوزەیران شەهیدبوو، لە گۆڕستانی شەهید دڵشێر بەخاکسپارد.

لە مەراسیمەکەدا دەیان هاوڵاتی و نوێنەری ڕێکخراوی کۆمەڵگەی مەدەنی و دامەزراوە سەربازییەکان بەشداربوون.

لەسەر ناوی ئەنجوومەنی بنەماڵەی شەهیدان فاتمە ئەل جاسم، گوتی: "شەهیدان ڕێگەمان ڕۆشن دەکەنەوە".

جەختی کردەوە، شەهیدان لەپێناو پاراستنی گەل و وڵات لە هێرشەکان، گیانی خۆیان فیداکرد.

فەرماندە لە قەسەدە، محەمەد زێدان ڕایگەیاند بۆ پاراستنی گەل و وڵات ئامادەن، گوتی: "تا کۆتایی شوێنکەوتەی شەهیدان دەبین".

دواتر ناسنامەی شەهیدان خوێنرایەوە و ڕادەستی بنەماڵەکانیان کرا. هاوڕێیانی شەهیدەکان، بە درووشمی "شەهید نامرن" تەرمی شەهیدەکانیان بەخاکسپارد.