سەرۆک کۊمارو ئێرانی مەسعود پزیشکیان جە پەیوەندیېوە تەلەفۆنینە چنی سەرۆکو فەرەنسای، ئیمانوێل ماکرۆنی، واتش: "ئامادێنمې پەی گفتوگۊی بەڵام دمایئاردەی بە بەرنامە ئەتۆمییە ئاشتیوازەکەیما ڕەڎ مکەرمېوە".
بەپاو هەواڵێوە ئاژانسوو هەواڵو فەرمی ئێرانی (ئیرنا)، سەرۆک کۆمارو ئێرانی مەسعود پزیشکیان پەیوەندیێوە تەلەفۆنیش چنی سەرۆکو فەرەنسای ئیمانوێل ماکرۆنی ئەنجامدان. بە سەرۆکو فەرەنسایش ئەرەیاۋنان، وڵاتەکەش جە هیچ ئاژێوەنە چالاکییە ئەتۆمییەکاش نمەمردنۆ.
پزیشکیان واتەنش: "ئامادێنۍ پەی گفتوگۆ و هامکاری پەی وەشکەردەی متمانەی جە بوارو چالاکییە ئەتۆمییەكەیشاوە، بەڵام قبوڵ نمەکەرا چالاکییە ئەتۆمییەكاشا جە حیچ ئاژێوەنە کەمۍ بکریاوە".
وەڵتەر سەرۆکو فەرەنسای ئەرەیاۋنابێش، مشۊم ئێران دەسبەردارو ئەتۆمی بۆنە.
