قوربانیا و هرووژم و ئیسرائیلی؛ تا ئیسە٤٣٠ کەسۍ ئێرانەنە ژیوایشا جەدەسدان
بەپاو وەزارەتو تەندروسی ئێرانی، جە ١٣و حوزەیرانیۆ بەمەڵامەتو هرووژمەکا ئیسرائیلی پەی سەر و ئێرانی، ٤٣٠کەسێ کوشیێنێ و ٣٥٠٠ کەسێ تەرێچ زامڏارێ بیینێ.
جەنگو ئیسرائیلی و ئێرانی کە جە ١٣و حوزەیرانی بە هرووژم و ئیسرائیلی پەی سەر و ئێرانی دەسش پنەکەرد، جە نۆیەمین ڕۆنە بەردەواما. وەزارەتو تەندروستپی ئێرانی سەبارەت بە ژمارە و ئا کەسا کە جە ئەنجامو هرووژمەکا ئیسرائیلینە کوشیێنێ، ئامارێوەش وەڵاکەردۆ.
بە پاو ئامارەکا وەزارەتەکەی، جە ١٣و حوزەیرانیۆ تا ئیسە جە ئەنجامو هرووژمەکا ئیسرائیلی پەی سەر و ئێرانی ٤٣٠ کەسێ کوشیێنێ و ٣٥٠٠ کەسی تەرێچ زامڏارێ بیێنێ.
هەرپاسە بەپاو بەیاننامەکەی، فرەی قوربانیا هرووژمەکەی تیمو پزیشکی، بەشو فریاکەوتەی و کەسێ مەدەنیێ بیێنێ. بەپاو وەزارەتو تەندروسی ئیسرائیلی، جە ١٣و حوزەیرانیۆ، جە ئەنجامو هرووژمەکا ئێرانی پەی سەر و ئیسرائیلی، ٢٤کەسێ ژیوایشا جەدەسدان و ٢٧١ کەسێش زامڏارێ بیێنێ.
