چالاکوانانی ڕێپێوانی درێژمەودا لە ٢٢هەمین ڕۆژی چالاکییەکەیاندا لە گۆڕەپانی پۆرت سێرپۆنێیزەوە هەتا شارەوانی مێتز ڕێپێوانیان ئەنجامدا. کوردستانیان و دۆستانیان بەشداری ڕێپێوانەکە بوون.
چالاکیی ڕێپێوانی درێژمەودا کە لە ٢١/١/٢٠٢٥ لە چوارچێوەی هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" لە شاری لۆریانی فەرەنسا دەستیپێکرد، لە ٢٢هەمین ڕۆژیدا بەردەوامە.
چالاکوانان لەگەڵ کوردستانیان و دۆستانیان لە مەیدانی پۆرت سێرپۆنێیزی شاری مێتز گردبوونەوە. بەرپرسانی حزبی کۆمۆنیستی فەڕەنساش بەشداریی چالاکییەکە بوون.
لە ناوەندی شاری مێتز، سەبارەت بە ڕێپێوانی درێژمەودا و هەڵمەتی ئازادی بڵاوکراوە دابەشکران.
لە میانی ڕێپێوانەکەدا دروشمی "بژی ڕێبەر ئاپۆ"، "بێ سەرۆک ژیان نابێ"، "بژی بەرخۆدانی گەریلا"، "بژی بەرخۆدانی ڕۆژاوا" و "ئازادی بۆ ڕێبەر ئاپۆ، چارەسەری بۆ پرسی کورد" وترایەوە.
چالاکوانان لە بەردەم هۆڵی شارەوانی مێتز لە شوێنی ئارمێس گردبوونەوە و بەیاننامەیەکیان بە زمانی فەرەنسی خوێندەوە. پاشان بەرپرسێکی حزبی کۆمۆنیستی فەرەنسا بەیاننامەیەکی خوێندەوە و جەختی لە پێویستی تێکۆشانی هاوبەش بۆ سەرکەوتنی هەڵمەتی ئازادیی کردەوە.
دوای ڕاگەیەندراوەکە، چالاکوانان دەستیان بە سەما و هەڵپەڕین کرد.
