هیزی شەممە، جە فرێ ناوچێ و دەگایێ و شارەکێ هەورامانینە ڤارانی هامنە ڤارا بێ. ڤارانەکە بە پاو ناوچە جیا جیاکان جە ٣٠ دەیەقێ تا نزیک بە یەک سەعات بەردەوام بییەبێ و سەرەڕاو فێنکەردەی ئاو و هەوای، بەڵام بەبێ زیانیچ نەبییەن. 
جەئی بارەوە سەرچەمە هەرێمیەکێ ئاشکراشان،کەردەن: "ڤارانەکە زیانی فرەش دان جە بەرهەمو وێژەنی و وێژەنکارەکێ هەورامانی و جە ئاکامشەنە بەشێوی فرە جە کوچەڵەکێ دار ڤەنەکان فیسێنێوە و بەشێوە جە بەرهەمو وێژنو ئێساڵیشان شۆریانەوە".

وێژەنکەرێ هەورامانی نزیک بە مانگێوەن بە دار وەنەکاوە کە سەرچەمێ وێژەنیەنێ، کوچەڵێشان بەستێنێ و بە ئا ئومێدە کە جە کۆتایی مانگەکێ ٧ و ٨یەنیە بەرهەمو وێژەنی کۆبکەرانێوە و ڕەوانەو بازاریش بکەرانێ.
وێژەنکارێ هەورامانی بەهۆکارو نەبییەی بیمەی و گرنگی-نەڎای حکومەتی بە کاروباریشان، فرەجارێ جە سەروەختو کۆکەردەی وێژەنیەنە ڤارانی هامنە ڤارۆنە و زیان بە وێژەنەکەیشان میاونۆنە و بەڵام قەرەبوێ نمەکریانێوە.