بەقسێ پەلیانەی ڕسمیی دەسەو ئەرەیاونای ئیدارەو وێڕاوەبەریی دیموکراتیکوو سەرنیشت ووەرکەوتوو سوریای، شاندێوە کۆماروو قیرغیزستانی، ١٨و تەمموزینە سەرێ ئیدارەو وێڕاوەبەرییشا دا و ١٥ زارۆڵێ و ٧ ژەنێ داعشی کە خەڵکوو ئا وڵاتەیە بێنێ، تەسلیمێ کەردێوە.

بەپاو هەواڵەکەی شاندەکە لاو هامسەرۆکوو فەرمانگەو پەیوەندییەکاو بەریوە فەنەر ئەلگەعید، یاگەدارەو هامسەرۆکایەتیی فەرمانگەکەی گوڵستان عەلییە و ئەندامو دەسەو ڕاوەبەریی فەرمانگەکەیخالید ئیبراهیمیوە خێرامای کریێ.

هەردووی لایێ دۆخوو سوریای و وەڵێئامایە هاتە سیاسییەکێشا تاوتۆکەردێنێ، فەنەر ئەلگەعید ئەوەخوایش کەردەنۆ، حەر جەیۆییاواینیوە دژوو بەرژەوەندییەکاو گەلوو سوریای ڕەت مکەرۆوە، ئەگەر سوپاو تورکی خاکوو سوریاینە نەکێشیۆوە، ماناش ئانێنە دژوو ئاسایبییەیوەو پەیوەندییەکاو ئەنقەرە-دیمەشقینێ.

 فەنەر ئەلگەعید تیشکەش وستێنە سەروو هجوومەکاو دەوڵەتی داگیرکەروو تورکی پەی سەروو گەلاو هەرێمەکەی و کاریگەریی هجوومەکا سەروو ئاسایشوو هەرێمەکەی و وەرگێریکەردەی داعشی.

هەرپاسە بە پاو هەواڵەکەی، نوێنەروو وەزارەتوو بەروو قیرغیزستانی باکیت قەدیرۆڤ سوپاسوو ئیدارەو وێڕاوەبەری و قەسەدەیش کەردەن، قیرغیزستان قوربانیدای ئیدارەو وێڕاوەبەری و قەسەدەیش ئینا وەرەچەماوە.  

ئاخروو سەردایەکەیەنە ئیدارەو وێڕاوەبەری ١٥ زارۆڵێ و ٧ ژنێ داعشییش دێنێ دەسوو شاندەکەو کۆماروو قیرغیزستانیوە.