ڕابەر ئاپۆ کە پەی ١و ئایارو زویرخی خوڵقە کریان، بە فکرەکاش مېیاوۆ بە گرڎو گەلا. ماهێر ئەنور جە کۆمیتەو ئاماڎەکاری ئەرەیاۋناش: "جە سەردەمێوەنە کە فاشیزم و جەنگ چڕۍ بیێنێوە، مەرامی سەرەکیما یاونای فکرەکا ئېژا ئۆجالانیا بە گەلا."
جەمەو گەلا جە سەرانسەرو جەهانیوە پەی پیرۆز کەردەی ١و ئایاری ڕۆو جەهانی کرێکارا ۋێشا ئاماڎە مکەرا. یۆ جە مېێانە گرنگەکا ئا چالاکییا شارو زویرخو سویسرایا
زیاڎ جە ٦٠ڕێکوزیایا پېسە سەندیکا سەرەکییە کرێکارییەکا وڵاتی، پارتە سیاسییەکا و ئەرەمەرزیاکا گلېرگەی مەدەنی سەرمەشقایەتی ١و ئایاری مکەرا. ئاماڎەکارییەکۍ پەی چالاکییەکا زویرخی چن ڕوێوەن دەسشا پنە کەرڎەن. زویرخو ئېساڵی پێشوازی جە ١و ئایاری مکەرۆ، پېسە گرڎ ساڵێ، نەک تەنیا پېسە جەژنێوە، بەڵکم پېسە گلېرۊبیەیۍ پەی بەربڕیەو داواکارییەکا ئازادی، دیموکراسی و مافو کرێکاران.
یۆ جە لایەنە دیارەکا چالاکییەکا ئېساڵی، شۊنەمێوە تایبەت بە فکرەکا ڕابەر ئاپۆی دیاری کریان.
"کۆنفیدرالیزمو دیموکراتیک"ی کە جە لایەنو ڕابەر ئاپۊیۆ بنیاڎ نریان و بەرەو وەڵۍ ملۆ، سەرو بنەماو ڕێکوستەی و ئازادیی ژەنۍ، دیموکراتیک و ئیکۆلۆژیی گەلا بە بنەما گێرۆ. ئی پارادایمە کە بە تایبەتی جە دەورو داواکارییەکا ئاشتی، یەکسانی، ئازادی و هەرمانۍ پێکئامان، بە هێزۆ چنی ڕۆحو ١و ئایاری جە زویرخەنە ئامېزان بۊ. پۊکەی ڕابەر ئاپۆ پېسە قسەکەرێوە پەی ئشناسای فکرەکاش خوڵقە کریان. کۆمیتەو ڕێکوستەو ١و ئایاری زوریخەنە نامېوەش پە زینانو دوورگەو ئیمرالی کیاستەن و داواش جە ڕابەر ئاپۆی کەرڎەن و پېسە قسەکەری سەرەکی چالاکییەکەی خوڵقە کریان.
بە مەڵامەتوو ئاژەو زیڼانیوە تا ئیساتۍ ڕۊشن نییە کە ئایا ڕابەر ئاپۆ متاوۆ پەیامێوە پەی ئی چالاکییە بکیانۆ یان نا. کۆمیتەو ئاماڎەکاری دەقێوەش جە کتێبەکا "مانیفێستو مۆدێرنیتەی دیموکراتیک"ی و "پارېزنای گەلێ"وەش جە ماڵپەڕو ١و ئایارو زوریخنە وەڵا کەرڎەنۆ.
ماهێر ئەنوەر، ئەندامو کۆمیتەو ئاماڎەکاری، چنی ئاژانسو هەواڵو فوراتی (ANF) سەبارەت بە گرنگی خوڵقەکەردەو ڕابەر ئاپۆی پەی چالاکییەکاو ١وئایارو زوریخ قسێش کەردۍ.
ماهێر ئەنوەر: ئامانجما یاونای فکرەکا ئۆجالانیا بە گەلا
ماهێر ئەنوەر ئاماژەش پانەی دا کە پېسە کۆمیتەو ڕێکوستەی ١و ئایارو زوریخی، بە ۋەرپرسیاری تاریخی و هۆشیاری شۆڕشگێڵنانە، ڕابەر ئاپۆشا پېسە قسەکەری سەرەکی خوڵقە کەرڎەن، ئاماژەش پانەیچ کەرڎ کە کۆمیتەکە بە تایبەتی مەتڵەبشا فکرەکا ڕابەر ئاپۆی بیاونۆ بە گەلا جەهانی.
ماهێر ئەنوەر جە درێژەو قسەکاشەنە واتش: "چی قۆناغە گرنگە تاریخیێنە کە فشار و جەنگ جە ۋەرکۊتوو مېیامینینە وەڵا بیەنۆ، مشۊم چېرو ڕۆشنایی فکرە شۆڕشگێڵنیەکا ئێژا عەبدوڵا ئۆجالاندینە هەنگامېوە بنەڕەتیە بنیەیمۍ. ئېژا ئۆجالان تەنیا پێگێوە بنەڕەتی کۊششو ڕزگاریوازی گەلیوکوردی نییا، بەڵکم هێماو ۋەرەنگاربیەیۆ ستەم یو چەوەسنایۊین جە دژو مرۆڤایەتی. بە فکرەکا کۆنفیدرالیزمی دیموکراتیکی، گېڵای شۊنەو ئازادی، یەکسانی و دادپەروەریش پېوەرە لکە دۍ و بناغەو ئەوەکۊشای هامبەشو گەلاش بنیاڎنیا. جە ئۊرووپا و فرەو یاگا جەهانی، فکرەکۍ ئېژا ئۆجالانی ۋنریاوە و گفتوگۆشا سەر مکریۆ و پېسە روانگێوە پەی وەشکەردەی گلېرگێوە دیموکراتیکی پێشوازیشا ۋنە مکریۆ. ئاخێزو ۋەرنیشتی، پېسە نیشانێوە بەرجەسەو پارادایمو ئېژا ئۆجالانی و ئەوەکۊشای ئازادیی کوردی، نیشانەش مڎۆ کە ئاشتی، دیموکراسی و ئازادی ژەنا جە جەهانەنە سەرگنۆ
' دلۍ فاشیزمی و جەنگینە ڕابەر ئاپۆ ڕا نیشانە مڎۆ'
ماهیر ئانور ئەرەیاۋناش چالاکییەکۍ ١و ئایارو ئێساڵو زیوریخی بە دروشمۊو "پێوەرە جە دژو جەنگی و فاشیزم"ی ئەنجام مڎرییا و واتش: "دلۍ جەنگی و فاشیزمینە بە بڕیارۍ بیمۍ کە بیمۍ بە دەنگۍ فرە بە هێزو ئەوەکۊشای ئازادی عەبدوڵا ئۆجالانی. سەرنجەکۍ ئاڎیی جە دژو زوڵمی سەرچەمەو ئازایی و هیواین پەی گرڎ کەسۍ. جە ئەوەکۊشای گەلوو کوردی و گرڎو چېردەسانە، ڕابەرایەتی ئا بانگەوازشە دژو نادادی و ئەرەگیرین. ئا گۆشەگیریییەی دۊڵەتو تورکی ڕاوەبەرش مکەرۆ تەنیا دژو عەبدوڵا ئۆجالانی نییا، ئاشکران کە سەرو تەمامو مرۆڤایەتییا. ئەرکو سەرەکی ئێمەی شۆڕشگێڵنا ئانەنە ئی گۆشەگیرییە بماڕمۍ."
ماهیر ئانور ئاماژەش پانەیە دا بەشداربیەو ڕابەر ئاپۆی جە چالاکییەکا ١و ئایارینە جە زیوریخ پەی بەهێزکەردەی ڕۆحو مڎرامانی هامبەشی جە ما بەینو گەلانە بۆ بە هەنگامېوە گۊرۍ.
