دەسوەڵێوستەی ئازاڎیی پۍ ڕابەر عەبدوڵا ئۆجەلانی ئەرەیاۋناش جە گلێرۆکەردەی ئیمزایانە زیاتەر جە ٣ ملوێن ئیمزۍ پۍ ئازاڎیی ڕابەروو گەلوو کوردی عەبدوڵا ئۆجالانی گلێرۍ کریێنۍ. گلێرۆکەردەی ئیمزایەکا تا ٤و نیسانی ئیدامەش بۆ.
ڕۆو ٩و شوباتی جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەری سیاسی پۍ قۊرتەو کورد"ینە، دەسوەڵۍ وستەی سوریای پۍ ئازاڎیی ڕابەر ئۆجالانی، هەڵمەتێوە ئیمزا کۊکەردەیۆش دەسپنەکەرد.
یاگۆو ئاماژەینە هەڵمەتەکۍ بە جۆش و خرۆشێوە فرۆ جە تەرەفوو ئەرەنیشتا هەرێمەکەیۆ پێشوازیش ۋنەکریۆ و ئی هەڵمەتۍ تا ٤و نیسانی، ئیدامەش بۆ.
دەسوەڵۍ وستەکەی ئەرەیاۋنانش ئامانجەکەشا ٣ ملوێن ئیمزۍ بیێنۍ و ماچۆ، جە ئیساتێنە ٣ملوێنۍ و ١٧ هەزار ئیمزۍ هۊرگیریێنۍ. ئیمزێکۍ جە هەرێمەکاو سەرنیشت و ۋەرکەوتوو سوریا، حەلەب، حەما، حمسی و دیمەشقینە گلێرۍ کریێنۍ."
دەسوەڵۍ وستەکەی ڕۊشنش کەردۆ کە نامە پۍ ڕێکوزیا یاسایی و تەندروستییەکا کیانا و ئەرەیاۋناش کە ئاڎۍ بە نامۍ ئەرەمەرزیا و ڕێکوزیا و لایەنە سیاسییەکا هەرێمەکەیۆ نامێشا کوۍ کەردێنۍ پۍ شۊنیرە لوای پۍ ئاژەو ڕابەروو گەلوو کوردی عەبدوڵا ئۆجالانی کەرا و حەرپاسە داواکارییەکۍ پۍ ١٢ ڕێکوزیایا میان دەوڵەتی پێسە ئەنجوومەنوو مافوو مرۆڤی، لوجنەو سی پی تی ئەوروپای، چنەویەردەی میان دەوڵەتی، پەرلەمانوو ئەوروپای، نوویسینگەو داواکاری گرڎیی دادگاو تاوانە میان دەوڵەتییەکا، مافوو مرۆڤوو نەتەوە یۊگێرتەکا، دادگای میان دەوڵەتی، پزیشکا بێ سنووری، ڕێکوزیاو تەندروستی نەتەوە یۊگێرتەکا (WHO)ی و کۆمیسیارا باڵاو مافوو مرۆڤی جە نەتەوە یۊگێرتەکانە ڕەوانە کەرا.
