چند شارێوە سەرنیشت و وەرکەوتوو سوریاینە بە بۆنەو نزیکبییەیۆ ٨ ئاداری، ڕۆو جیهانیی ژەنا، چالاکیی جۆراوجۆرێ کریێ.

ڕەقە

لکانتۆنوو ڕەقەی و مەنبەجینە مەجلیسوو کۆمەڵەو ژەناو زنوبیای دوێ ڕاپیماێی جیاوازێ بە درووشموو "بە ئیرادەو ئازادیی ژەنا، سیاسەتوو قڕکەردەی و ئەرەگیری و گۆشەگیری دلێنە بەرمێ"ێشا کەرد. هەرپاسە کۆبانێ و حەسەکەنە سیمینار و کۆبییەێوە و سەردایێ کریێ.  

جمیەروو هیلالی ئاڵتوونی شانۆێوەشا نیشانە دا، دمایی ڕاپیمای تا مەیدانوو ژەنێ ئازادێ بەردەوام بی.

مەنبەج

ژەنی کانتۆنوو مەنبەجینە ڕاشا پیما.  

هامسەرۆکوو مەجلیسوو گەلە دیموکراتیاو کانتۆنوو مەنبەجی، سیهام حەمۆ واتش: "سەرەوردای ژەناو ١٩ تەمووزی بەردەوامی کۆشیایی ژەناو ٨ ئادارین. ژەناو سەرنیشتی و وەرکەوتوو سوریای دژوو سیستمەکاو زۆرداری سەرەوردایشا کەرد و بیێ بە نموونەو گردوو ژەنا".

دێرەزۆر

بە هەمان شێوە کانتۆنوو دەیرەزۆرینە ژەنی ڕاشا پیما، ئەندامەو کۆمەڵەو ژەناو زنوبیای، خیتام حەسەنە واتش: "٨وو ئاداری بەرهەموو کۆشیای تارێخیی ژەنان دژوو زۆرداری".

ئەندامەو ڕاوەبەروو مەجلیسوو بنەیانەو گەشمەرداو دەیرەزۆری، حەنا عەلییە جەختش کەردۆ مشۆم پەی ئازادیی وێما و پارێزنای دەسکەوتەکا کۆشیەیمێ.

عەین عیسا

عەین عیسانە مەجلیسوو ژەناو پەیەدەی و کۆنگرەو ستاروو مەنتێقەکەی پانێڵێوەشا ڕێکە وستە، دلێشنە تیشکە وزیا سەروو کۆشیای و دەسکەوتەکاو ژەنا.

هۆل

مەنتێقەو هۆلینە کارمەندە ژەناو مەنتێقەکەی  ٨وو ئاداریشا ئەرەمەرزیا سەروازی و ئەمنییەکانە مەبارەک کەرد. پی  بۆنەوە، ژەنی لوێنێ سەرێ هێزەکاو ئاسایشوو دلێ و ژەنی ترافیکی و دیسپلینی سەروازی و ئەکادیمیاو کۆماندۆسی و هێزەکاو پارێزنای جەوهەری.

حەسەکە

کۆنگرەو ستاری هۆڵوو پەیەدەینە کوێ بیێوە. ئەندامەو ڕاوەبەریی کۆنگرەو ستار دلارا عەفرینی واتش کۆشیای و دەسکەوتەکاو ژەنا لاو دەوڵەت-نەتەوەکا و سیستموو تاتەسالارییوە دلێنە شییەن.

هەرپاسە مەجلیسوو ژەناو پەیەدەی پانێڵێوەش ڕێکە وستە، باس جە کۆشیای ژەنا تارێخنە و کۆشیای ژەنا جە  شۆڕشوو سەرنیشتی و وەرکەوتوو سوریاینە باس کریا.

ژەنی داواشا کەردە کە ژەنی بۆ بە هێزێوە چالاک سەروو ئاستوو سوریای و دژوو سیاسەتەکاو دژوو ئازادیی ژەنا کۆشیای و ڕێکوستەی گەورەتەر کەرا.  

دمایی سینڤزیۆنێوە دەربارەو شۆڕشوو ژناو سەرنیشت و وەرکەوتوو سوریای نیشانە دریا.