بە مووشەکۍ هجووم کریا سەروو بنکەی سەروازیی ئەمریکییەکا بەغڎانە
بە مووشەکۍ هجووم کریا سەروو بنکێوە سەروازیی ئەمریکای نزیکوو فڕۊکەخانەو بەغڎاینە.
وو تشرینوو یوەمینە و دماو دەسپەنەکەردەی جەنگوو ئیسرائیل-حەماسیوە، هجوومەکۍ دژوو بارەگاکاو ئەمریکای و هامپەیمانیی میاننەتەوەیی عێراقنە فرۍ بیێنۍ.
بە پاو میدیاو عێراقی دژوو بارەگای سەروازیی ئەمریکای نزیکوو فڕۊ کەخانەو بەغڎاینە سەرسەعبوو جمعەو ئارۊ ی بە مووشەکۍ هجووم کریا.
بەروزیا کە یۊ جە مووشەکەکا دەوروبەروو بارەگاکەینە کەوتەنرە وار و ئەوۍ تەرۍ بە سیستموو وەرگێری تەقیێنێوە.
بە پاو سەرچەمە ئەمنییەکا ڕۊ و پەنج شەممەی دلۍ بنکەی عاسمانیی عەین ئەسەدینە ئەنبارنە، کە هێزەکاو ئەمریکای و هامپەیماناش چەنەنۍ چیوۍ تەقانۊ ، کە دماو هجوومو مووشەکەکا بییەن.
هەمان ڕۊ شاروو هەولێروو پانیشتوو کوردستانینە بە درۊ ن هجووم کریابۍ سەروو بنکەی سەروازیی هێزەکاو ئەمریکای.
