رۆنارە (یڵدز ئاسمە) بۍ تەرس ژیۋا. بە توڕەیی و بێزاری جە ژیۋای بێ رابەرایەتی گورزەی کەمەر بڕەش ئەو دوژمنی شانا. بە سەربەرزی و بە بەیاگۍ یاونای ئا وەعدەی کە بە هامڕاکاش دابێش، تێکەڵە بە قافڵەو گەشمەرڎا بیە.
جە گرڎ کەشێوەنە، گرڎ شارێنە، گرڎ جاڎێوە کوردسانینە کۊشیایۍ گۊرە ڕاوەبەر کریان و ڕاوەبەر کریۆ. ئێمە شایەتۍ قارەمانینمۍ جە کەشەکانە و گرڎوو شارەکانە. یۆ چا مەنتیقا داستانوو قارەمانیەتیش خوڵقنا، کۆبانێن. کناچە و کوڕەکۍ وای نەک حەر داستانوو ۋێشا خوڵقنا، حەرپاسە داستانوو ئازاڎیی گەلایچشا خوڵقنا. رۆنارە (یڵدز ئاشمە) جە شارێوە پاجۆرەنە گەورۍ بیە. بنەیانێوە نیشتیمان پەروو وڵات پارێزەنە، کەسایەتی ئاڎێشا بە کولتوروو کوردی خوڵقنا.
کۆبانێ جە وەڵینگەو کۊشیای ئازاڎیی کوردسانینە پێگێوە گرنگش هەن. پەکەکەش زوو ئشناسا. نەریتوو کۊشیایش زوو پەسەنڎ کەرد. بەقیمەتتەرین رۆڵەکێش جە کۊشیاینە بەشداری پنەکەردۍ. کۆبانێ جە ڕاو جەنگوو دژ بە داعشیوە، کە دوژمنوو مرۆڤایەتیا، لووا دلۍ تاریخیوە. جە کەسایەتی گەلوو کوردینە، پەی تەماموو مرۆڤایەتی کۊشیا و بی بە هیوا. پا جۊرە جەنگش کەرد کە تەنیا دڵسۆزاو خاکی، گەل و ئازاڎیی متاوا چنەش بیاوانە. جە گرڎ بنمیچۍ کۆبانێنە ۋنەو ئارەق و قارەمانێوە مجیێنە. کۆبانێ دژوو وەحشیەتوو سەڎەو ٢١ ی بی بە ڕەمزوو مدرامانی.
بە بێ دوودڵی و راڕایی کۊتە دلۍ سەنگەروو مرۆڤایەتیوە
رۆنارە رۆڵێوە ئی شارەیە بۍ. دلۍ بنەیانێوە وڵاتپارێزینە گۊرۍ بیە. دڵسۆزەو کولتور، ئشناسنامەی و خاکوو ۋێش بۍ. وەختۍ هجووم پۍ سەروو شارەکەی دەسشپنەکەرد، بێ دوو دڵی تفەنگش کەرد شانەش لووا دلۍ سەنگەروو مرۆڤایەتیوە. هامڕایی چنی پەکەکەی، هەڵوێسوو جەنگەوانا ژەنۍ، ئا تەرسۍ کە وزاش دلۍ دڵوو دوژمنیوە ئاڎەشا گۊرۍ کەردە. بە قینی و بێزاریۆ جە دژوو دوژمنی گۊرۍ بیە. ساڵەو ٢٠١٥ بەشدارەو ریزەکا یەپەژەی بیە و رۆحێوە ئازاڎش دلۍ ریزەکاو یەپەژەینە خوڵقنا. پا رۆحیەتۆ لووۍ حەر مەنتیقێوە، حەر ژەنێوە کە ۋێش پنەیاونا و حەر سەنگەرێوە کە چنەشەنە جەنگش کەرد، ناوازەییش پنەبەخشۍ و جوانش کەرۍ. دڵە گەنجەکەش ئنڎە گەورەبی کە یاگۍ گرڎ جوانیەکاش چنە بێوە. ئنڎەو حەق ئەسایۆ ئازۍ بۍ. جە کۆبانێوە تا منبج، منبجۆ تا رەقا، جە گرڎوو سەنگەرەکانە، نەواخنی تاریکیش کەرد ئامانج. قەناعەتۍ حێقمش بە پاڕادایموو رابەروو گەلوو کوردی عەبدوڵا ئۆجالانی بۍ.
پا گیریش کەرد پۍ ئانەی بلۆ کەش
پۍ ئانەی تەجرووبەو جەنگەکەیش جە ۋەرنیشتۆ بیاونۆ کەش و بۆنە بە گەریلۍ پاگیریش کەرد. گەرەکش بۍ کەشەنە سەرجە نۆ ۋێش بنیاڎ بنیۊوە، ۋەروو ئانەی چن جەنگیچ کەرۍ هەڵای هەست بە کەموو کوڵی کەرۍ دڵشەنە، جە هەڵوێسوو ئانیشاوە کە جە کەشۆ ئامێبێنۍ جیاوازی، پەنهانی و ڕۊشنایی وینۍ. ئا متمانەی بە ئینسانەکاش بەخشێنۍ جیاواز بۍ. وەختۍ پا گیریەکەش یاوا ئەنجام، ڕووەش کەردە کەش.
بیە بە فەرمانڎێوە ژەنی
پێسە ئانەی کە بەردەوام کەشەنە بیۍ بۆ بەشداریش جە ژیۋاینە کەرد. دەموودەس فێرە بیە و وێش وەڵێوست، تەجرووبەکۍ ۋێش جە ۋەرنیشتەنە ئامێتۍ تەجرووبەکاش کەشەنە کەردۍ. جە ڕاو پەروەردەی سەروازییوە سەروو تاکتیکەکا سەردەمی تازەو قووڵبیەیۆی. گەرەکش بۍ بە بێ ئانەی دما گنۆ بلۆ پۍ سەرنیشتوو کوردسانی. هەرمانە پۍ جا بەجێکەردەیش کەرۍ.
گەشتش بەرەو بۆتان
سەروو ئا وەعدەی کە بە هامڕا گەشمەرڎەکاش دابێش، ڕووەش کەردە بۆتان. ئامانجوو هەڤاڵە گەشمەرڎەکایش کەرد کۊڵەش، بە نامۍ ئاڎیشاوە جەنگش کەردۍ و بۊتانەنە گورزەش شانۍ بیۍ جە ئەرەگیرا. حیچ لەمپەرێوە نەشناسۍ و پی جۆرە هەنگامەش نیا. پا جۆرەشە کەرد. بە توڕەیی و جە دژوو ژیۋای بێ رابەرایەتی و جە دژوو قڕکەردەی گورزەش جە دوژمنی شانا. بە سەربەرزی و بە جابەجێکەردەی وەعدەکەیش کە بە هامڕاکاش دابێس تێکەڵە بە قافڵەو گەشمەرڎا بیە. بێ تەرسی ژیۋا و گەرەکش بۍ جەهانێوە بێ تەرس کەرۆنە دیاری گرڎوو ژەنا. بە فەخر و سەربەرزی ب یاگۍ یاونای ئا وەعدەی کە بە هامڕاکاش دابێش جە ٢٣ۍ ئەیلوولوو ٢٠١٩ینە تێکەڵ بە قافڵەو گةشمەرڎا بیە.
