بە مەراسیمێوە تایبەت جە هەرێمو لیژەی بەلجیکاینە یاڏو گەشمەرڏا ڕاو ئازادی کوردەسانی کریاوە کە جە کات و یاگێ جیاوازەنە گەشمەرڏێ بیێ.

جە هۆڵو یاڏکەردەوەکەینە وێنەو گەشمەرڏا هورواسیابێ. چنیش ئاڵاکێ یەپەژەی و قەسەدەی بەرزکریێوە.

یاڏکەردەوەکەی بە دەقێوە ڕێزونەنییا جە گەشمەرڏا ڕاو ئازادی دەسش پنەکەرد. دماتەر سیاسەتمەدار سەعید فرات قسێش کەردێ و جە قسەکاشەنە هورسەنگنایش پەی میراتو گەشمەرڏا کەرد، دماتەر بە تێروتەسەل باسش جە قۆناغەکا کەرد و ئاماژەش پانەیەدا گەلوو کوردی ئینا قۆناغێوە کاریگەر و هەستیارەنە.

جە یاڏکەردەوەکەینە محەمەد ئەنجو کاکی هەردووی گەریلاو هەپەگەی جەسور ڕۆبۆسکی (ئادەم ئەنجو) و جەسور ڕۆبۆسکی (ئۆزگور ئەنجو) کە جە هەرێمەکا پارێزناو مەدیا گەشمەرڏێ بیێ، قسێش کەردێ و ئاماژەش پانەیەدا گرڏ کاتێ بەردەوامێ بیمێ سەرو ئامانجو گەشمەرڏا و ڕاو ئازادی گەلا.

دماتەر سەرو نامێ بنەیانەو گەشمەرڏا جزیرەو بۆتانی هەر یۆ جە بێریڤان، نزار و مستەفا قسێشا کەردە.

جە قسەکانە ئاماژە پانەیە کریا گەشمەرڏێ پەی ئازادی خاک و گەلەکەیشا گیانو وێشا بەخشا و واتشا: "بە ئەوەکۆشای گەشمەرڏاما سەربڵندێنمێ و هەست بە شكۆو کوردبییەو وێما مکەرمێ."

هەر جە یاڏکەردەوەکەینە یاڏو گەشمەرڏەو  ئەرەیاونای ئازادی گەشمەرڏە عەگید ڕۆژی کریاوە، کە جە هرووژمە ئەرەگیرییەکا دۆڵەتو تورکی جە بەنداو تشرینی گەشمەرڏە بیی