لە کۆپنهاگی پایتەختی دانیمارک لە چوارچێوەی پێشهاتەکانی ئەم دواییەی کوردستان و ڕۆژهەڵاتی ناوەڕاست، بە پێشەنگایەتی ناوەندی کۆمەڵگەی دیموکراتیکی کوردانی دانیمارک و ئەنجومەنی ژنانی سێڤێ دیداری گەل بەڕێوەچوو. ڕۆژنامەنووسان، نووسەران، سیاسەتمەداران و بەسەدان کورد ئامادەی دیدرەکە بوون.

لە دیداری گەل دا سیاسەتمەدار ئیدریس باڵوکەن بەشدار بوو  و ڕایگەیاند، ڕێبەر ئاپۆ ڕێبەرێکە کە دەتوانێت بە سەرکەوتوویی ستراتژیەک جێبەجێ بکات کە لەسەر مێزی دانوستان سەرکەوتن بەدەستبهێنێت و بەو مانایە ئاسایشی گەلەکەی بەلاوە زۆر گرنگە و دەپارێزێت.

باڵوکەن ڕایگەیاند، بە قۆناغێکی چارەنووسسازدا تێدەپەڕن و وتی: "زیاتر لە هەموو کاتێک پێویست بە پشتیوانی تەڤگەری ئازادیی کورد و سیاسەتی کورد و ڕێبەر ئاپۆ هەیە. لە پرۆسەیەکی وەها پڕ لە ریسک و بەرپرسیارێتیدا، پێویستە هەر کەس بە شێوەیەکی چالاکانە بەشداری بکەن و بە هەموو توانایانەوە بۆ جێگیرکردنی ئاشتی تێکۆشان بکەن."