بۊڵننە پەی ئازاڎیی جەستەیی ڕابەروو گەلوو کوردی ڕاپیمای کریا
پەی ئازاڎیی ڕابەروو گەلوو کوردی عەبدوڵا ئۊجالانی شاروو بۊڵنوو فەڕەنساینە ڕاپیمای کریا.
ئەورووپانە چالاکییەکۍ پەی ئازاڎیی جەستەیی ڕابەروو گەلوو کوردی عەبدوڵا ئۊجالانی بەرڎەوامێنێ. کوردستانیۍ و دۊسەکێشا مەیدانوو بۊڵنوو ١٨ جونوو ١٩٤٠ کوۍ بیێوە. گۊشەگیری سەروو ڕابەروو گەلوو کوردی عەبدوڵا ئۊجالانیشا شەرمەزارۍ کەردۍ و داواو ئازاڎیی جەسەیی ڕابەروو گەلوو کوردی عەبدوڵا ئۊجالانیشا کەرد.
کوردستانیۍ شاروو ئاڤینگۊنی بە هەمان شێوەو بەشداریی ڕاپیمایەکەی بێنێ. ڕاپیمەرۍ عەلەمەو ڕابەروو گەلوو کوردی عەبدوڵا ئۊجالانی و پەکەکەیشا بەرزۍ کەردێوە و تا شارەوانیی بۊڵنی ڕاشا پیما و بەرڎەوام درووشموو "بۍ سەرۊکی ژیوای مەبۊ"یشا واتێوە.
ڕاپیمەرۍ وەرڎەموو بیناو شارەوانیینە ئەرەیاوناێوەشا واناوە، تیشکیشا وستە سەروو گۊشەگیریی تندوو سەروو ڕابەروو گەلوو کوردی عەبدوڵا ئۊجالانی و داواو ئازاڎیی جەسەیی ڕابەروو گەلوو کوردی عەبدوڵا ئۊجالانیشا کەرد.
ئەرەیاونایەکە بە درووشموو "بژیۊ سەرۊک ئاپۊ"ی و "بۍ سەرۊکی ژیوای مەبۊ" دماییش ئاما.
