کوردەسانیا ژنێڤەنە پەی ئازادی ڕابەر ئاپۆی گلێرێ بیێوە و واتشا: "پەنەوازا پەی وەڵۍ وستەی پرۆسەکەی هەنگامەی خێراتەرە بنریۆنە و ئازادی جەسەیی ڕابەر ئاپۆی بێنە دی".
چالاکی ئەرەنیشتەیرە پەی ئازادی جەسەیی ڕابەر ئاپۆی کە جە ٢٥ و کانوونو دووەمو ٢٠٢١ ـنە وەردەموو ئۆفیسو نەتەوە یۆگێرتەکا شارو ژنێڤینە جە سویسرانە دەسش پنەکەرد، جە هەفتەی ٢٢٣ هەمینینە بەردەوام بێ.
چالاکییەکە بە سەرمەشقایەتی ئەنجوومەنو گەلوو کوردی و ژنێڤی ئەنجامدریا، ئەندامو شاندو ئیمراڵیی دەم پارتی سری سورەیا ئۆندەر و گەشمەرڏا مانگەو ئایاری یاڏکریێوە.
دماو دەیەقێوە ڕێزگێرتەی پەی یاڏو ئۆندەری و گەشمەرڏا مانگەو ئایاری، هامسەرۆکو مییانو کوردی دیموکراتیکی ژنێڤ نایلە بوداک سەرەوەشیش جە بنەیانە و ئۆندەری کەرد و واتش: "وەرمو ئاڏی پەی ئاشتی بەدی مارمێنە".
وەلی ئەرەن ئەرەیاوناکەیش واناوە و ئەرەیاوناش مانگەو ئایاری پەی ئەوەکۆشای ئازادی کوردی گرنگیێ تاریخیش هەن و واتش: "چنین شۆڕشگێڵێ و وڵاتپارێزێ چی مانگەنە گەشمەرڏێ بیێ. پۆکەی تەڤگەرەکەما ئی مانگێ پێسەو مانگەو گەشمەرڏا مشناسۆ".
ئەرەن ئەرەیاوناش گۆشەگیری سەر و ڕابەر ئاپۆی خودو فاشیزمیا، واتش: "تا گۆشەگیری دمایش نێ گەلوو کوردی ئازاد مەبۆنە. چارەسەرو پەرسەو کوردی و ئاشتی وەرکەوتوو دلێڕاسەی بە کەردەیۆ بەرەو ئیمراڵی مێ دی. پەنەوازا پەی بەردەی وەڵێ پرۆسەکەی هەنگامەی بەپەلە نریۆ".
دماتەر چالاکیی ئەرەنیشتەی ئەنجامدریا.
