دماو ئانەی ئەندامێ ئیهەدەی نیهاد گۆکتاش و هولیا گەرچەک جە لایەنو دادگاو دۆڵەتو تورکیۆ باڵبەسێ کریێ، لقو ئەستەنبوڵی ئیهەدەی جە کۆنگرێوە ڕۆنامەوانیینە ناڕەزایەتیش دژو باڵبەسکەردەی ئەندامەکاش نیشانە دا.

ئەرەیاوناکەینە ئاماژە دریا پانەی پەشتگیرکەردەی زینانیا تاوانە نییەنە و هەڵوێسێوە ئینسانیانەن. ئاماژەش پانەیە کریا ئەندامەکێشا بە خوڵقەو 'پەشتگیری دارایی ڕێکوزتەی' باڵبەسکریێنێ، ئینەیچ جە کاتێنە ئا زەڕە تەنیا پەی پەشتیوانیکەردەی زینانییەکا گیانریان پەی گرتووخانەکا.

ئاماژەش پانەیە کریا ئا ئەندامێ ئیهەدەی کە باڵبەسکریینێ نەوەشی درێژخایەنشا هەن.

دماینە داواکریا گرڏ و ئا کەسێ وەردریانە کە بە هەمان پاساو باڵبەسکریێنێ.