ژن نیوز ئامارەو تنوتیژییەکاش جە دژو ژەنا جە مانگۊو نیسانینە وەڵا کەرڎۆ. بە پاو ئامارەکۍ جە سەرنیشتوو کوردەسانی و تورکیانە ٣٤ ژەنۍ و یەرۍ زاوڵۍ کوشیێنۍ و ١٤ ژەنۍ و دووۍ زاوڵێچ بە شێوۍ گوماناوی گیانشا جە دەسدان.

جە ئامارەکێنە دیاری کریان ١٢ ژەنی جە لایەنو هامژینەکاشاوە کوشیێنۍ، ٢ ێشا جە لایەنو هامژینی وەڵینیشاوە، چوارشا جەلایەنو کەسوکاریشاوە، ٦ شا جە مەرحەلەو جیابیەیۆ چنی هامژینەکاشا، ژەنێوە جە لایەنو زاوڵەکاشۆ، ژەنێوە جە لایەنو تاتەیشۆ، ژەنێوە جە لایەنو کەسێوە نەشناسیایۆ.

ئەستەنبوڵەنە فرەتەرین ژەنی کوشیێنۍ کە ١٢ ژەنینۍ، ٣ ێشا جە دەنیزلی،٢ ێشا جە ئیزمیر، ٢ ێشا جە تەکیرداغ، ٢ ێشا جە سەمسوون، ٢ ێشا جە قەسرێ، ١ جە ڕحا، ١ جە ئاکسەرای، ١ جە کاستامۆنو، ١ جە هاتای، ١ جە مانیسا، ١ جە ئەرزروم، ١ جە کۆنیا، ١ جە ئەسکیشەهیر و ١ جە ئەدەنە کوشیێنۍ.