کۆنفڕانسوو کۆمەڵەو مافشناسا پەی ئازادی (ئۆهەدە) بە ناموونیشانوو "دژوو سیاسەتوو گۆشەگیری، کۆشیای پەی ئاشتی و ئازادی" ئیستەنبوڵنە دماییش ئاما.  

ئەرەنیشتەی یەرەمیننە، هامسەرۆکەی گردینەو دەبەپەی، چیدەم کلچگون ئوچارە واتش گۆشەگیری پەرسەی حەرە بنەڕەتییەنە و تەنیا پێسە پەرسێوە یاسایێ نمەوینیۆ، ئەرەیاوناش کوردەکێ ڕووبەڕووێ سیاسەتوو نکۆڵی و ئەسیمیلاسیۆنی و سڕیەیۆ بیێنێوە.

ئوچارە واتش یاسای بنەڕەتییەو ساڵەو ١٩٢١ پەی کوردا فرە گرنگەنە، ئا یاسێ ئۆتۆنۆمییش پەی کوردا مسۆگەر کەردەبێ، کەچی ئیساتێ باسکەردەیش تاوانا. بەڵام یاساو ساڵەو ١٩٢٤ سەروو نکۆڵی ئەرەمەرزیێنە، تورکیا بێجگە جە تورکی نکۆڵی وەنەو گرد نەتەوێوە تەری کەرۆ، واتش: "ئایا بەڕاس پەرسەو کوردی تورکیانە چارەسەرە بۆ؟ تەڤگەروو ئازادیی کوردستانی ماچۆ ڕاسیی کوردی دلێ وێشنە سەروو ئی جوگرافیایۆ ئەزموون کریۆ، ئینەیچ پەی دیموکراتیکبییەی تورکیای گرنگا".

ئوچارە تیشکەش وستە سەروو گرنگیی پڕۆسەو دیالۆگوو ساڵەو ٢٠١٣ و واتش: "بە نامەو بەڕێز ئۆجالانی، دیما، کە ئیرادەو ئاشتی سنوورەکاو کوردستانیش ویەرنێ.  پڕۆسێوە نەوەک تەنیا کورد، بەڵکوم گردوو گەلی و باوڕەکا دلێ ئەرەمەرزیا دیموکراتیکەکانە یاگێشا گێرتە. بەڕێز ئۆجالان ئەوەخوایش کەرۆوە چارەسەروو پەرسەو کوردی پەی دیموکراتیکبییەی وەڵاتی و چارەسەروو قەیرانەکا گرنگا. تاکە ساعیبوو ئی ئەم پڕۆسەیە بەڕێز ئۆجالانا".

دمایی ئوچارە واتش: "ئایا متاومێ بواچمێ گۆشەگیریی ئیمراڵی تەنیا نادادییێوەن دژوو گەلوو کوردی؟ نەخێر، هەڵبەت ئی دۆخە کاریگەرییش سەروو گردوو گەلاو تورکیایۆ نیانرە.  پەوکای ئەگەر پڕۆسەو ئاشتیی بێ دی، مشۆم بەینوو دەوڵەتی و جڤاکینە بۆ نەوەک بەینوو دەوڵەتی و ڕێکوستەینە".

ئوچارە ئاماژەش  کەرد بە گرنگیی ڕاپیمای  گەورەو ئازادی کوردستاننە بەینوو ١- ١٥ شوباتی، کە مشۆم پێسە دەرفەتێوە بوینیۆ، واتش: "سەرەڕاو گۆشەگیری دەوروو بەڕێز ئۆجالانی جە پەرسەو کوردینە بەنرخا، گەلوو کوردستانی سەرەڕاو گردوو قڕکەردەی و سیاسەتوو تندوتیژی، پا گێرۆرە سەروو ئاشتیی".

دمایی پارێزنەری ئیتاڵی، جیانی تاگنۆنی تیشکەش وستە سەروو تاوانوو کۆکوشیی ئەرمەنییەکا و تاوانوو کۆکوشییەکاو پاریسی دژوو کوردا، کە بێ سزا دەربازێ بیێ و واتش ئینە بەرش وزۆ تاوانەکاو دژوو ئینسانیەتی نکۆڵییشا ونە کریۆ.