جەمەو ڕۆنامەوانا دیجلە و فوراتی (دەفەگە) جە ٣ی ئایارینە ڕۆو جەهانی ئازادی ئەرەیاونای ڕاپۆرتێوە پاشێلکارییەکا مانگەو نیسانیش وەڵاکەردۆ کە دژو مافەکا مرۆڤی جە تورکیانە ئەنجام دریێنێ.
بە بۆنۆو ٣ی ئایاریۆ ڕۆو جەهانی ئازادی ئەرەیاونای ڕاپۆرتەو پاشێلکارییەکا مافو مرۆڤی جە مانگەو نیسانی تورکیانە ئەنجام دریێنی وەڵاکەردۆ و بانگەوازش پەی ئازادی ڕۆنامەوانا کەرد و جە دژو زیاڏبییەو پاشێلکارییەکا.
ڕاپۆرتەکەو دەفەگەینە ئاماژە پانەیە کریان جە تورکیانە ٣ی ئایاری ڕۆو جەهانی ئازادی ئەرەیاویا دلێ ژیوگێوە فشارینە پێشوازیش ونە کریۆنە و ماچۆنە بەپاو پێوەرەکا ئازادی ئەرەیاوناو جەهانو ڕۆنامەوانا بێ سنووری (RSF)تورکیا دلێ ١٨٠ وڵاتانە ڕیزو پاشێلکارییەکا مافو مرۆڤینە ئینێ پلەو ١٥٩هەمینینە.
ماوەو چوارمانگانە پاشلێکاری وەراوەر بە مافو ٦٥ ڕۆنامەوانا کریان
دەفەگە ئانەیچش ئەرەیاونا جە چوار مانگەو سەرەتاو ساڵەو ٢٠٢٥ی، ٦٥ ڕۆنامەوانێ باڵبەسێ کریێنێ و ٢٥ ڕۆنامەوانێ زینانی کریێنێ. هەرپاسە باسش چانەیە کەرد جە مانگەو نیسانینە هەشت ڕۆنامەوانێ زینان کریێنێ، شش ڕۆنامەوانێ بە گرڏی ٩ ساڵێ و شش مانگێ سزای زینان کەردەی سەرشارە سەپیان و ١٣ ڕۆنامەوانێ دادگای کریێنێ و بە گرڏی ٣٦ ڕۆنامەوانێ ئینێ زینانەنە.
دمای ڕاپۆرتەکێ دەفەگەینە ئامان کە حەوت ماڵپەڕێ وسیێنێرە، ١٧١ ماڵپەری دیجیتاڵیێ و ٦ ئخبارێ ڕاگیریشا ونەکریان. دەفەگە واتش: "ڕۆنامەوانی تاوانە نییەنە" و داوا مکەرۆ ڕۆنامەوانێ ئازادی کریانە.
