دەم پارتی بۆنەو چەژنێوە چنی گەلی گلێربیۆ
چنین شارانە پەی پیرۆزکەردەی جەژنێ دەم پارتی چنی گەلی گلێربیۆ. جە گلێرۆبیەکانە پەروین بوڵدانە سەرنجش وست سەرو پرۆسەکەی و واتش: "پەنەوازا گرد کەسێ وەرپرسیاری وێش جابەجێ بکەرۆ."
چنین شارانە پەی پیرۆزکەردەی جەژنێ دەم پارتی چنی گەلی گلێربیۆ. جە گلێرۆبیەکانە پەروین بوڵدانە سەرنجش وست سەرو پرۆسەکەی و واتش: "پەنەوازا گرد کەسێ وەرپرسیاری وێش جابەجێ بکەرۆ."
بۆنەو جەژنەو قوربانیوە پارتو یەکسانی و دیموکراسی گەلا (دەم پارتی) جە چنین شارێنە پەی پیرۆزکەردەی جەژنێ چنی گەلی گلێربیۆ.
گلێرۆبیەو دەم پارتی جە وانەنە جە باڵەخانەو ڕێکوستەی وانو دەم پارتینە ئەنجام دریا و هەریۆ جە یاگەگیرەو سەرۆک پەرلەمانو تورکیای و ئەندامۆو شاندو ئیمراڵی پەروین بوڵدانە و چنین کەسێ تەرێ بەشدارێ گلێرۆبیەکەی بێنێ. هامسەرۆکو وانو دەبەپەی جەمیل دەمیر جە گلێرۆبیەکەنە قسێش کەردێ و بە ئاماژەدای بە بانگەوازییە تاریخیەکەو ٢٧و شوباتو ڕابەر ئاپۆی واتش پرۆسەکە دەرفەتێوە ئاڵتونیا پەی تورکیای و هەرێمەکەی پەنەوازا گردما خاوەنداری جە بانگەوازییەکەی بکەرمێ.
دماتەر هامسەرۆکو شارەوانی گۆرەشارو وانی عەبدوڵا زێدان قسێش کەردێ و دەسنیشانش کەرد ئی پرۆسەی کە جە لایەنو رابەر ئاپۆیۆ دەسش پنەکریان، هەنگامەنە پەی ئاشتی و ئازادی گردو گەلا.
'باوەڕما بە پرۆسەکەین'
جە دمادماینە پەروین بوڵدانە دماو پێرۆزکەردەی جەژنێ جە گەلا تورکیای و خەڵکو وانی ئاماژەش پانەی دا بانگەوازەکەو رابەر ئاپۆی هیواش پەی ملیۆنان ئینسانا گێڵنانۆ. بوڵدانە سەرنجش وست سەرو دیدارەکا ئیمراڵی و ئاماژەش پانەی دا جە گردو سەردایەکانە رابەر ئاپۆ سڵامی تایبەتیش پەی گەلی بیەن و سەرو ئا بنەمایێ سڵامو رابەر ئاپۆیتا پنە میاونو.
پەروین بوڵدانە جە بەردەوامینە ئینەش وات: "جە گردو دیدارەکامانە ئێژا ئۆجالان جەخت چانەی کەرێوە هومێڏش فرەن و جۆشێوە گۆرە چی پرۆسەیە هۆرگێرۆ. جە گردو دیدارەکانە ئێژا ئۆجالان واچێ؛ 'ئی ئاشتییە بە شکۆوە بەدەس مێ.' باوەڕما بە پرۆسەکەین چونکی ئێژا ئۆجالان ڕاوەبەرش مکەرۆ."
پەروین بوڵدانە باسش چانەیچ کەرد جەژنە هامکات بە ماناو واڵەو-برایەتی مێ و واتش: "پەنەوازا گرد کەسێ چی پرۆسەیەنە ئەرک و وەرپرسیاری وێش جابەجێ بکەرۆ."
دەم پارتی جە شارەکا ئیزمیر و ئەدەنەینە بۆنەو جەژنێوە چنی گەلی گلێربیۆ.