بۊنەو کۆچی دماینو گەشمەرڎەو ئاشتیی و دیموکراسی سری سوورەیا ئۆندەری، هامسەرۆکا و ئەنداماو کۆمیتەو مېیانو دەم پارتی گرڎو پلانسازییەکۍ ئارۊیش هۊرشێونێوە و بەمەبەسو بەشداریکەردەی جە تەعزیەو ئۆندەرینە بەرەو ئەستەنبوڵ کۊتۍ ڕا.
ئارۆ، سری سورەیا ئۆندەر، ئەندامو شاندو ئیمراڵی دەم پارتی و یاگەگیرو سەرۆکو پەرلەمانو تورکیای، دماو ئانەی توشو سەکتەو دڵی بی، جە ئەستەنبوڵنە کۆچی دماینش کەرد.
پا مەڵامەتۆ، حەریۆ جە تونجەر باقرخانی، تولای حاتەم ئۆغۆللاریۍ هامسەرۆکاو گرڎیی، ئەنداماو کۆمیتەو مېیانی و فراکسیۆنو پەرلەمانی گرڎو چالاکی و پلانسازییەکۍ ئارۊیشا هۊرشێونێوە و بەمەبەسو بەشدارییکەردەی جە تەعزیەکێنە بەرەو ئەستەنبوڵ کۊتۍ ڕا.
ئەرەیاۋېیایو زانیارییەکۍ سەرو ئەسپەرڎەکەردەی تەرمو ئۆندەری و لوایڕاوەو تەعزیەکێش دماتەر وەڵا مکریاوە.
