هۊرسەنگنای ڕابەر ئاپۆی کە جە چوار خاڵانە پێشکەشو کۆنگرەو ١٢ـەمینو پەکەکەیش کەردەبۍ. جە دما ژمارەو ڕۆنامەو سەرخۆبوونینە وەڵاکریاوە، هامکات ڕۆنامەو سەرخۆبوونی دماو ٤٤ ساڵا جە کۊششو چاپەمەنی دمایش بە وەشانو ۋێش ئارڎ.

کۆنگرەو ١٢ـەمینو پەکەکەی و هۊرگېرتەی قەرارو دمایئاردەی بە ڕێبازو ئەوەکۊشای چەکڎاری

کۆنگرەو ١٢ـەمینو پەکەکەی و هۊرگېرتەی قەرارو دمایئاردەی بە ڕێبازو ئەوەکۊشای چەکڎاری

"هەڤاڵا ئێژای!

دماو ٥٢ ساڵا، مانگۍ و حەفتێوە جە تاریخو ئەوەکۊشایما، بەشێوێوە فەرمی سەردەمێوە تاریخی دماو ۋێما جیا مازمۍ. بە مەعنێوە کۆنکرێتی تەر، گەرەکمانە چا سۆسیالیزمۆ کە ئامانجش دەوڵەت-نەتەوەن، ۋېیەرمۍ بەرەو قۆناغێوە تاریخی و سۆسیالیزمی گلېرگەو دیموکراتیکی. هەرپېسە چنی گرڎ چێوە سەرەتا و دمایش هەن.

سەردەمێوە، ۋەرو چوار مەڵامەتا بنەڕەتی مشۊم بوېیەرۊنە

١- ۋەروئانەی پەکەکە جە ڕوو جەوهەرییوە یاوان بە تەمەنی سرووشتی ۋێش، پەنەوازا بە فەرمی دمایی پا هەرمانا بارۆ کە بەنامێشۆ کریێنۍ. مەبەس چینەیچ دمایئاردەی سۆسیالیزمی بنیاڎنریاین بە مەڵامەتی دلېینەی، پەنەواز بە کەردەیۆ ڕێوەتازۍ سۆسیالیزمی، ئاژەو دڎانیای و پێکئاماین بەشناسنامەو کوردین.

٢- ئەوەکۊشای چەکڎاری وابەسەو ستراتیجێوەن کە ئامانجەکەش دەوڵەت-نەتەوەن، پەی بەرشیەی و ۋېیەرنای ئی ئامانجیە دلۍ بەرنامەو گلېرگەی دیموکراتیکینە مشۊم ۋێش بسپارۆ بە یاسای و سیاسەتو دیموکراتیکی، پۊکەی پەنەواز پانەی مکەرۆ دەسبەردارو ئەوەکۊشای چەکڎاری بۊنە، پاداشت و جوابدایۆ ئینەیچ دڎانیایپۊرەی مافو سیاسەتو دیموکراتیکی و گەرەنتیێوە یاسایی یۊگێرتەی بەهێزین

٣- ۋەروئانەی گلېرۊبیەی و دیالۆگ چنی دۊڵەتی چېرو فەرمییەتی پەکەکەینە قبوڵ نمەکریۆ، پەنەوازش بە دمایئاردەی پا هەرمانا هەن کە بەنامۍ پەکەکەیۆ مکریا، کە پېسە توخمێوە گرنگی بیەن بە ڕۆژەڤ، ئینەیچ پېسە ئەنجامێوە متاویۆ جە ڕای گرڎینە بوینیۆ.

٤- پەی سەردەمېوە تازەی، پڕایۆ پەی دلۍ قۆناغو 'ئاشتی و گلېرگەی دیموکراتیک'ی پەنەوازیا. هەم جە ڕوو دلېینەیۆ هەمیچ جە ڕوو فۆرمیوە ئینە پېسە ئەڵتەرناتیڤو سەردەمو سەرەتای، پەیلوایم چامنەن قەرارەکۍ کۆنگرەی دەربارەو دمایئاردەی بە هەرمانە و کۊششەکا کە بەنامێشۆ کریێنۍ، گلېرگەی دیموکراتیک، سیاسەت و یاسایی، تاریخیۍ با و هیواو سەرکۊتەیش پەی موازو.

سوربیەی سەرو مرۆڤایەتی سوربیەین سەرو سۆسیالیزمی.

سۆسیالیزمو دەوڵەت-نەتەوەی دمایش ئامان، سۆسیالیزمو گلېرگەی دیموکراتیکی سەرکۊتەن.

٢٧و نیسانو ٢٠٢٥

عەبدوڵا ئۆجالان."