بە سەرمەشقایەتی ژەنا، سەڎان کەسۍ جە شارو دێرکو سەر بە قامشلۆینە بە ئەنجامدای ڕاپیمایۍ جەماوەری داواو ئازاڎیی ڕابەر ئاپۆیشا کەرد. جە ڕاپیماکەینە کە بە سەرمەشقایەتی ژەنا ئەنجام دریا، بە بەرزکەردەیۆ وێنەو ڕابەر ئاپۆی  و ئاڵاو کەجەکەی جە مېڎانوو ئازادیوە دەسشپنەکەرڎ و بە واتەیۆ درووشمەکا "بژیۋۆ سەرۆک ئاپۆ"ی و " بێ سەرۆکی ژیۋای نمەبۆ"، بە هۊرگێرتەی لافیتەی کە سەرشۆ نویسیا بۍ 'چارەسەری پەی ڕابەر ئاپۆی، چارەسەری پەی پرسو کورد"ی جە بازاڕو مېیانو شاریوە تا ۋەردەمو بارەگاو بنەیانەو گەشمەرڎا شارەکەی بەردەوام بی.

دماتەر ڕاپیماکەی فاڕیا پەی گلېرۊبیەی، دماو دەیەقێوە ڕێزگېرتەی، جە ڕاوەبەرا کۆنگرە ستارو شارەکەی، شەیدا یوسفە قسێش کەردۍ و جە قسەکاشەنە سەرنجش وست سەرو جوڵە دیپلۆماسییەکا ژەنا بە مەرامو ئازادی بەڎەنی ڕابەر ئاپۆی و واتش: "تا دما نەفەس پەی سەروستەی ئی مەرامیە ئەوەکۊشا و ژەنی ئازادی ۋێشا جە ئازادی بەڎەنی ڕابەر ئاپۆینە مویناوە."

دماتەر ئەندامو دەسەو ڕاوەبەری شارو دێرکی، جێگر عەفرین ئاماژەش بە گرنگی پېوەس بیەی بە فکر و فەلسەفەو ڕابەر ئاپۆی کەرڎ و واتش: "مەرامی بنەڕەتیما پێکئاوردەی ئازادی بەڎەنی ڕابەر ئاپۆین و پەی ئینەیچ بەردەوام بیەی جە ئەوەکۊشایما واوەی مکەرمېوە."

گلېرۊبیەکەی بە واتەیۆ درووشمۊو "بژیۋۆ سەرۆک ئاپۆ"ی دمایش پنە ئاما.