بەپاو قسۍ واتەواچو کۆمیتەو نویستەیۆ، جە سیاونویسەکەنە دەسەڵاتەکۍ جیۍ کریێنێوە، ئازادی ڕابەربڕیەی و مافو "سیاسی و ئابووری" ژەنا مسۆگەرکریان. هەڵای نمەزانیۆ جە پراکتیکنە ئینە چنی جابەجێ مکریۆ.

جە سیاونویسەکەنە نامۍ سوریای پېسە "کۆمارو عەرەبی سوریا"ی مەنەنۆ و ئایینو ئیسلامی پېسە سەرچەمەی سەرەکی یاسانیایرەی قبووڵکریان.

خاڵەکۍ دلۍ دەستوورەکەی پی جۆرەنۍ:

١. نامۍ ڕسمیە

- نامۍ ڕسمی سوریای بە 'کۆمارو عەرەبی سوریا'ی مەنۊوە، حیچ فاڕیایۍ چی نامێنە نمەکریۆ.

٢. ئایین و یاسا                                          

- ئایینو ئیسلامی پېسە سەرچەمەی سەرەکی یاسانیایرەی جە سوریانە قبوڵ مکریۆ.

٣. مافو هاموڵاتیا

- حیچ جیاوازیۍ جە مابەینو هاموڵاتیا سوریاینە نمەکریۆ؛ پەنەوازا گرڎ کەسۍ ماف و ۋەرپرسیاری یەکسانشا بۆ.

٤. بەشکەرڎەی ئەرکەکا

- 'ئەرکو یاسانیایرەی' هینو پەرلەمانی بۆ.

- 'ئەرکو جابەجێکەردەی' هینو سەرۆککۆماری بۆ.

٥. ئەرکەکۍ سەرۆککۆماری

- سەرۆککۆمار متاوۆ بەپاو پەنەوازی باری کتوپڕی ئەرەیاۋنۆ.

- وەزیرەکۍ متاوا ڕاسەوخۆ بیاوا لاو سەرۆککۆماری.

٦. سەربەخۆیی دەسەڵاتو دادوەری

- دەسەڵاتو دادوەری سەربەخۆ بۆنە و حیچ دەسەڵاتێ نمەتاوۆ دەسوەردای جە دەسەڵاتو دادوەرینە بکەرۆ.

٧. ئەرکەکۍ پەرلەمانی

- پەرلەمان متاوۆ سەرۆککۆماری جە پۆستەکەیش دوور وزۆوە.

- متاوۆ چنەۋیەردەی گرڎین ئەرەیاۋنۆ.

٨. قۆناغی ڕاگوزەر

- قۆناغی ڕاگوزەر'٥ ساڵ'ۍ خواینۆ.

- چی کاتەنە کۆمیسیۆنێوە تایبەت پەی متەیرەی دەستوورێوە تازەی ئەرەمەرزیۆرە.

٩. ئازادی و یاسای مېیاندەوڵەتی

- ئازادی ویرکەردەیۆ و ڕابەربڕیەی پارێزیا بۆنە.

- سوریا ڕێز جە یاسا مېیاننەتەوەییەکا گێرۊنە.