بەپاو زانیاریەکا ئی وێرەگا دەوڵەتوو ئەرەگیروو تورکی بە فڕۆکەی جەنگی دەگایەکۍ گارەیش بۆردوومان کەردێنۍ، ئا کەسۍ کە گەرەکشابۍ ٣ کەسۍ زامڎارۍ ۋێشا جە هەرێمەکەنە فاڕاوە پۍ خەسەخانەی، جە تەرەفوو هێزەکاو پەدەکەیۆ ڕاگیریشا چنە کریا.
دەوڵەتوو ئەرەگیروو تورکی ئی وێرەگا بە فڕۆکەی جەنگی دەگایەکۍ هەرێموو کافیەو گارەیش بۆردوومان کەردۍ، ٣ دەگا نشینۍ بە نامەکا سادق و عارف و بەشیری زامڎارۍ بیۍ.
بەپاو زانیاریەکا کە جە سەرچەما هەرێمەکەیۆ هۊرگیریێنۍ. کەسووکاروو زامڎارەکا گەرەکشابۍ زامڎارەکا جە هەرێمەکەنە فاڕاوە پۍ خەسەخانەی، بەڵام پەدەکە ڕاش ۋنە گێرتۍ.
بەپاو سەرچەمەکا، پەدەکە هەڕەشێش جە کەسووکاروو زامڎارەکا کەردەن و واتەنش: "ئەگەر بلدۍ وا فڕۆکە شمەیچ بۆردوومان کەرۆ".
