دەوڵەتوو تورکی ئەرەگیرکەریی فراوانتەر مکەرۆ، بەغدا و هەولێریچ تەنیا تەماشە مکەرا
دەوڵەتوو تورکی ئەرەگیرکەری ڕوەکاو وەڵێنە ژمارەو سەروازەکاشا پانیشتوو کوردستانینە زیاتەرێ کەردێنێ، بە سەدان سەروازێ و سەیارێ زرەپۆشێ فاڕیێنێ، بەغدا و هەولێریچ بێدەنگێنێ.
دەوڵەتوو تورکی ئەرەگیرکەری ڕۆ بەڕۆ بەنایاسایی هجوومەکاش دژوارتەر مکەرۆ، پانیشتوو کوردستانینە و عێراقی پێسەو هەرێمێوی ئەرەگیرکریای بە کارمارۆ.
جموجۆڵی سەروازی دەوڵەتوو تورکی ڕوەکاو وەڵێنە زیادش کەردەن، چوارچوەو پلانەکاو ئەرەگیرکەریینە ٢٢ێ مانگێنە کارەوانێوی سەروازی دەوڵەتوو تورکی بەرەو سنووروو کانی ماسیی شارەکڵەو ئامێدی سەر بە پارێزگاو دهۆ پڕاوە.
هەمان جموجووڵی سەروازی ڕۆی دماتەر یانێ شەوەو ٢٣ێ مانگێچ بەردەوام بی، ٢٣ێ مانگێنە نیمەشەونە کاروانێوی سەروازی سوپاو تورکی ئەرەگیرکەری، کە چەکی قورس و سەیارێ زرەپۆشێش چنە بێنێ، بەرەو سنوروو شارەکڵەو ئامێدی سەر بە دهۆکی کەوت جووڵەوە.
دماین جار دێڕێ شەوەو هیزی کارەوانێوی سەروازی سوپاو تورکی ئەرەگیرکەری، بە سەیارێ زرەپۆشێ و چەکی قورس بەرەو سنووروو شارەکڵەو ئامێدی سەر بە دهۆکی لوێ.
نمەزانیۆ، کە ئا سەروازێ ڕاو وشکانیی دەروازەو ئیبراهیم خەلیلیوە یا ڕاو ێگەی فرۆکەخانەو هەولێریوە ئامێنێ پانیشتوو کوردستانی! وەروو ئانەیە تا ئیساتێ ڕووەرێوی فراوانوو پانیشتوو کوردستانی دلێ دەگا و شارەکایچەنە سەروازێ تورکێ موینیا. پەوکای ئەرەگیرکەری یاوان بەرزتەرین ئاست، بێگومان کە بە گڵۆپی سەوز و هامکاریی پەدەکەی نەبۆنە، سوپاو تورکی پا سەیارە زرەپۆشاوە نمەتاوۆنە بپڕۆوە پەی دلێ خاکوو پانیشتوو کوردستانی.
سەرباروو گردوو ئا جموجووڵە ئاشکرایا، کە ڕووەشا ئینا فرەبییەینە، هەڵای هەردووە حکومەتاو بەغدای و هەولێری بێدەنگێنێ و هیچ کاردایۆێوەشا نەبییەن.
