ڕۆڵەکۍ گلېرگەی ئێزدی جە کەمپەکا پانیشتوو کورڎسانیوە وەردەوامېنۍ جە گېڵایۊ پۍ شۊنەکاشا جە قەزاو شەنگالی، دماو ئانەی ئیدارەو وېڕاوەبەری دیموکراتیکی شەنگالی پەنەوازیە ئەساسیەکۍ و چېرخان و بەشېوە جە دەگایەکا و شارەکەیش پۍ گېڵایۊیشا ئاماڎەکەرڎەن.

چەتەکۍ داعشی ساڵەو ٢٠١٤ هجومېوە فراوانشا کەرڎ سەرو قەزاو شەنگالی، پا مەڵامەتۊ هەزاران ڕۊڵۍ ئێزدیۍ وەرەن ڕوو کوشتەی و گېرتەی بیېۋە، دماو ڕزگارکەرڎەو شەنگالی، بەشېۋە جە ئەرەنیشتاش گېڵېۋە پۍ قەزاکۍ.

فرەو ئاوارەکا شەنگالی جە کەمپەکا دهۆکی و هۊلێرو چېردەسو پەدەکەینە ئەرەنیشتۍ بیېنۍ، پۊکەی پەدەکە جە چنڎین پەرسېنە ئێزدییەکا بەکارمارۊ، بەتایبەت جە پەرسو هۊرچنیەینە.

سەرەڕاو ڕاگری و هجومەکا دەوڵەتو ئەرەگیری تورکی و سیاسەتەکا پەدەکەی، بەڵام ئێزدییەکۍ موزیڕېنۍ سەرو گېڵایۊ پۍ شەنگالی.  

بەپاو ئاژانسو هەواڵی ڕۆژنیوزی: "دماو ئانەی ئیدارەو وېڕاوەبەری بە هەماهەڎگی چنی ڕێکوزیا مرۆییەکا پەنەوازیە ڕۊییەکا و چېرخان و بەشێوە جە دەگاو  شارەکەیش ئاماڎەکەرڎەن، گېڵایۊ ئاوارەکا پۍ شار و دەگاکا شەنگالی دەششپنەکەرڎەن، حەر چی چوارچێوەنە، ئارۊ ٥٩ خێزانۍ ئێزدیۍ جە کەمپەکا هەرێمو کورڎسانیۊ گېڵېۋە پۍ شەنگالی".

خودێدا چوکۍ، ڕاوەبەرو مەحاڵەو سنونۍ، خوڵقە جە گرڎو ئێزدییەکا دلۍ کەمپەکا مکەرۊ گېڵاۋە پۍ شەنگالی، حەرپاسە داوا مکەرۊ ڕێکوزیا مرۊییەکۍ هامکارۍ با پۍ ئی مەبەسیە.

هـ . ش