پەرلەمانتارەو رحاو پارتو یەکسانی و دیموکراسی گەلا (دەم پارتی) دیلان کورت ئایانە سەرنجش وست سەرو قسۍ بازنەو دەسەڵاتداری دەربارەو هەموواکەردەیۆ تازەو یاسا بنەڕەتییەکا تورکیای کە پېسە ئەگەرێوە ئاماژە پانەی کریان جە مانگۊو ئەیلولی و تشرینی یووەمینە ڕەنگە هەموارکەردەیۆ تازەو یاسایی ئەنجام بڎریۆ، ئایانە جەختش چانەی کەرڎۆ ئی هەوڵۍ بە ماناو دماوستەی هەرمانەکا مۍ و دەسنیشانش کەرڎ مشۊم دەمودەس سەرجەنۆ کەموکوڵییەکۍ چارەسەر بکریا.

پاکێجی ١٠ـەمینو دادوەری بەبێ گێڵایۆ پەی ڕای گرڎیی و دەم پارتی جە لایەنو ئاکەپەی و بە پاڵپەشتی مەهەپەی پێشکەش بە سەرۆکایەتی پەرلەمانی کریا. ئارۆ جە کۆمسیۆنو دادوەری پەرلەمانینە هۊرسەنگنای پەی پاکێجەکەی مەکریۆ.

جە ئەنداما کۆمسیۆنو دادوەری پەرلەمانو تورکیای، دیلان کونت ئایانە پەی ئاژانسو هەواڵو فوراتی (ANF) قسێش کەردێ و جە گرڏ ڕوانگێوە ئینێ هەرمان کەردەی وەرفراوانەنە پەی جابەجێکەردە و ئا ئەرکەی بە بانگەوازو ٢٧ی شوباتی کەوتەن سەروشاناشا.

دیلان کونت ئایان ئاماژەی بە گوتنی 'چەکدانان بێگومان بە هەموارکردنەوەی یاسایی مانادار دەبێت' کرد کە ڕێبەر ئاپۆ دوای بانگەوازییەکە ئی ڕستەشە بەربڕی و باسش چانەی کەرد بێگومان ئا گوزارشتە فرە گرنگ وینمێ و اتش: " ئینە پەنەوازیش پانەین دەمودەس یاساکا دژە دیموکراسی جە تورکیانە فاڕیانە و یاساکێ دیموکراسی و یەکسانی وسیا بوارە جابەجێ کەردەیۆ. یۆ چا یاسایا کە وەربەستێوە وەردەمو چارەسەری دیموکراتیکیانەنە پەرسە و کوردی جە تورکیانر یاساو جابەجێ کەردەین، کە یاسایێ نایەکسانا، بەڵام چا پاکێجەی کە وسیان ڕووە هیچ چێوێ بە پاو داواو ئێمە نییا جە یاساو جابەجێبکەردەینە.

هەنگامە پەنەوازییەکا

دیلان کونتە ئاماژەش با قسا کەرد کە وچیۆ جە مانگە و ئەیلول و تشرینی یوەمەنە ڕەنگە هەموارکەردەیۆ تازە جە یاساکانە کریۆنە و واتش: "ئینە قسێ دەسەڵاتینێ، مشۆم ئی جۆرە یاسێ جە ئایندەنە بە کۆدەنگی ئامادە کریانە. بەڵام بە خاسش مەوینمێ پرۆسەو یاسو جابەجێ کەردەی دما وسیۆنە. گەرەکمانە هەنگامری ڕوون نریۆنە. ڕاسا جە ئیسەنە پەیوەس بە زینانیا نەوەشی هەنگامە نریێنە، بەڵام ئانەی سەیرا ئانەن چی ئی هەوڵ و هەنگامێ بەزووی جابەجێ مەکریانە؟ چی ئی هەنگامێ جیا کریاوە و بەمەبەس دما وسیا؟ وینمێ پرۆسەکەی ورڵامکەرۆوە و کاریگەری نەرێنی جیا مازانە. پەی نموونەی ئەر هەنگامێ سەبارەت بە زینانیا سیاسی چی پاکێجەنە بۆنە، ئانە بۆنر ئاماژێوە چا جۆرە کە پرۆسەکە بە شێوێوە بەهێزو گلێرگەی و جەوهەریتەر کریۆوە. پۆکەی بەبێ ئانەی دما وسیۆنە پەنەوازا هەنگامەش پەی نریۆنە."