ڕاپیمای ڕێزگێرتەی جە ئیرادەو دەم پارتی و دەبەپەی وانەنە بەردەواما. ئارۆ هەزاران کەسێ مەنتێقەو  ئێلباکیوە درێژە بە ڕاپیمایەکەیشا مدا، ڕاپیمەرێ دماو ئێلباکی بەرەو جولەمێرگ کەوتێ ڕا.

یۆ جە ڕاپیمەرا، هامسەرۆکوو دەم پارتی وانی، وەیسی دیلەکچی پێوەس بە ڕاپیمایەکەی پەی ئاژانسوو هەواڵوو فورات (ANF)ی واتش: " ڕاپیمایەکە ٣٠ی حوزەیرانینە بە بەشداریی ڕێکوزیا مەدەنی و دیموکراتیکەکا و پارتە سیاسییەکاو تورکیای مەڕمەڕەنە دەسش پەنە کەرد و ئامێ وان. ڕاپیمایەکە حەفتێوەن بەردەواما. ئارۆ جە ئێلباکۆ  مگنمێنە ڕا پەی جولەمێرگی. دەمۆئامای و جۆشوخرۆشێوی گەورە هەن.  ڕاپیمایەکەنە پەرلەمانتارێ و هامسەرۆکاو شارەوانیما هەست و پەیلوای وێشا بەروست و هەڵوێستوو وێشا نیشانە دا. ڕاپیمایەکەما بە بەشداریی ژەنا و پیایا بەردەواما. هامسەرۆکوو دەبەپەی کەسکین بایندەر بەشداریی ڕاپیمایەکەیش کەرد".

"مۆراڵ و پاڵنییەرما فرە بەرزا"

لە درێژەنە دیلەکچی واتش: "ڕاپیمایەکەما سەروو ڕا قەرەباڵغەکاوە بەردەواما. مۆراڵ و پاڵنیەرێما فرە بەرزێنێ، بە بەشداریی گەلی درێژە بە ڕاپیما مدەیمێ، وێرەگا پردەو یەنیکۆپروو بەینوو جولەمێرگی و گەڤەر مویەرنمێ و چا مدرمێ. ڕۆو دووشەممەی سەرسەعب میاومێ جولەمێرگ. بە بەشداریتی تولای حاتەم ئۆغۆللاریێ و هامسەرۆکی گردینوو دەبەپەی، ئەرەیاوناێوە جەماوەری موانمێوە و دمایی بە ڕاپیمایەکەیما ممارمێ".