فلیموو موزیکاڵوو "گۆرانییەو کەزیی سوور" جمیەروو کەلتووری و هونەری ژەناو مانگەی ئاڵتوونیێ و بە هامکاریی جمیەروو کەلتووری و هونەریی میزۆپۆتامیای، پەیمانگاو کەلتووروو پارگینی و هونەروو وەڵاتی بەرهەم ئامان. فیلمەکە تیشکە وزۆ سەروو تارێخوو کۆشیای ژەنا جیهاننە، ئامادەکارییەکێش ماوەو ٧ مانگاشا خواینان.

نامێ فلیمەکەی جە کەسایەتیی و کۆشیای یوە جە سەرمەشقەکاو تەڤگەروو ئازادیی کوردی، ساکینە جانسزێوە نریان. ماوەو فلیمە موزیکاڵەکەی ٢٠ خولەکێن و ٢٠٠ ژەنێ سەرجەموو مەنتێقەکاو سەرنیشت و وەرکەوتوو سوریاین. فلیمەکە ڕەقە و دەڤەروو جزیرێنە تۆمار کریان.

 بە بۆنەو ٨ی مارسیوە، ڕۆو جیهانیی ژەنا فلیموو موزیکاڵوو"گۆرانییەو کەزیی سوور"ی هیزی پەی هەوەڵ جاری کۆبانێ، ڕەقە، قامیشلۆ و تەبقەنە نمایش کریا، لاو خەڵکیوە خێرامای گەرمش وەنە کریا.

بەرئاوەروو مانگەی ئاڵتوونییەو جزیری ڕووکەن محەمەد باسوو وەشکەردەی فیلمەکەیش کەرد. هەرپاسە مزگین چۆلاق، کۆردیناسیۆنوو مانگەوی ئاڵتوونییەو سەرنیشت و وەرکەوتوو سوریای سەبارەت بە فلیمەکەی واتش: "تا ئیساتی گرد بوارێوە قەرزارێ ڕابەر ئۆجالانینمێ و ئی فلیمە پێشکەشوو بەڕێزیشا کەرمێ. ئاخرۆ نمایشەکانە ئامادەبیێ دروشموو "ژەنی، ژیوای، ئازادی" و "بێ سەرۆکی ژیوای مەبۆ"یشا بەرز کەردۆ.

هەرپاسە فلیمەکە کۆبانێنە و ناوەندوو کەلتووری و هونەریی باقی خدۆینە نمایش کریا. ئەنداموو شانۆو کانتۆنوو فوراتی دلارا شێخ دەمیر قسێش کەردێ و واتش: "فلیمەکە باس جە شۆڕشوو ژەنا کەرۆ ئەوەڵۆ تا ئیساتێ. کە چەنی وێشا جە گردوو بوارەکاو ژیواینە، سەروازی، سیاسی، کۆمەڵایەتی، وستەن وەڵێ و بیێنێ بە جەنگاوەرێ و فەرماندێ. فیلمەکە پێشکەشوو گەشمەردا و ژەناو جیهانی کەرمێ."

بە هەمان شێوە شاروو ڕەقەینە فیلمەکە ناوەندوو کەلتووری و هونەریی شارەکەینە نمایش کریا. هەرپاسە شاروو تەبقەینە ناوەندوو کەلتووری و هونەریی شارەکەینە نمایش کریا و جەماوەرێوە فرە بەجۆشۆ خێرامایشا وەنە کەرد.