فەرمانڎەېې ېەکینەکاو مڎرامانو شەنگالی، ېەبەشە بە بۊنەو 7ەمین ساڵۋەگەڕو شەنگالي ېاونەرێش ۋەڵاکەرڎۊ.

جە سەرەتاو بەیانەکەیشەرە  پی جۊرە ئامان:"بە وەشەوېسې و ڕێز و وەفاۋە یاڎو شەھیدە قارەمانەکاو ڕاو ڕزگاری شەنگالی مکەرمێۋەو سەرەو ڕێزیشا پۍ نزم کەرمێوە ، ئا پەېمانەی پایشاما ڎان بەرمێش سەر و تا دمایی پەی سەر وستەی ئارمانجەکێشا کۆشیەیمێ.

فەرمانڎەی ېەبەشەی  واتش:     8  ساڵێ چێۋەڵتەر چەتەکۍ داعشی ھجومێوی کۊمەڵکووژیشا کەرڎ سەرو گلێرگەو ئێزیدی، دژو ئا کۊمەڵ کوشتەیە گەلەکەما بە ویسوباوەڕی وێش مڎراماېش کەرڎ، ئې مڎرامایە بې بەتێکۊشاۍ گۊرە کە  پلانەکێ  دوژمنیش تێکدای.

بە تاېبەت گەریلا قارەمانەکۍ(ھەپەگە)ې و(ېەژاستاری) فیڎاکاری وقارەمانیۍ گۊرەشا پەی گەلەکەېمانە کێشت، ئێمەی ئێزیدی قەرزارۍ ئا گەریلا گیان بازانمۍ کە بە وەرھەنگامەو مام زەکی ، عەگید جڤیانەکۍ،دڵشێرھەرەکۊڵەکۍ ، نوژیانەکۍ ، چەکۊکۍ ،مەمۊکۍ ، ڕۊزارین دڵگەش و ئاگرې ھەیانی سەعیدان ، سیلانەکۍ ،کە جە ڕووە سەختەکانە ئامۍ دەنگماۋەو پشتیۋانیشا جە گەلەکەېما کەرڎ. پەی ئازاڎ کەردۊو شارەکەیما تا دماھەناسە

تێکۊشایشا کەرڎ. ھەرگیز جە یاڎش مەکەرمێنەو سەرو ڕاو ڕێبازەکەیشا بەردەوامێنمۍ.

جە ېاونەرەکەنە ئاماژە بە  فەرمان(هجووموو) داعشی کرېان کە  ساڵەو201٤،چا وەختە سەختەنە کەھیچ

ڕێۋە ڕزگاربیەی نەبۍ ، گلێرگەو ئێزېدې بە وەرەو ھەنگامەو'' سەعیدەکا، بەرخۆدانەکا،دېجلەکا،

زەردەشتەکا،بێرېڤانەکا، پیرحەمیدەکا "بە ېەک وېرو ېەک دەس وێشا ڕێک ھوست و دەسشا بە تێکۊشاې کەرڎ، ئێمە جەنگما پۍ ئازاڎی کەرڎ و شان بەشان و گەریلاکاو ئازاڎی ، شەڕڤانەکۍ ېەپەگەی و یەپەژەی  پلانەکێ دوژمنەکاما  دلێنە بەرڎ.

سەرو ڕاو ڕێبازو شەھیدەکاماۋة  کە فیدایانە گیانشا بەخشا ئێمەیچ ئی تێکۊشایە بە سەرھوزمێ وسەرو بنەماو یوەم شەھیدیما کە شەوو ڕۊ جە قورسترین و دژوارترېن ۋەختەنە، سەنگەرەکانە بە  گیانوو وێش وەر گیریش کەرڎ تا دما شەھیدما یاڎشا بە وەشەیسی کەرمێوە و یاڎشا بەرز گێرمۍ و سەرەو ڕێزیشا پۍ  نزم کەرمێوە، ئا پەېمانەی پایشاما ڎان تا سەرکەوتەی سەرو ڕاو ڕێبازەکەیشا بەرڎەوامێ بیمۍ.

سەرو ئې بنەمایە، ئی ڕووەیە جە ڕابەرئاپۊې و شەھیدەکاماو خانەواڎەکێشا و گەلەکەیما وشەڕڤانەکاو یەپەگەی ویەپەژەی گەرېلاکاو ئازادی کە ئارۊ جە کەشە سەربەرزەکاو کورڎسانیەنە دژو تورکە ئەرەگیرەکا مڎرامان مەکەرمێ.