چەتەکێ سەر بە دۆڵەتو تورکی جە درێژەو هەرمانە تاڵانکاری و قڕکەردەی ژیوگەیەکانە نزیکەو ٥٥ دارو زەیتونێشا جە عەفرینەنە بڕیێنێ و چنین باخێ تەرێشا ڕیشەکێشێ کەردێنێ و چنی ئانەی یانە و موڵکو ئەرەنیشیناشا تاڵان کەردێنئ.
بەپاو ڕیکوزیا و مافەکا مرۆڤی عەفرین-سوریا بنەیانە و کەسە نزیکەکێ چەتەکێ سەر بە دۆڵەتو تورکی ڕۆو جومعەی (٣٠ـی ئایاری ٢٠٢٥) جە دەگاو حەسێ میرەکا سەربە شارو ماباتی سنوورو عەفرینی ٢٥ دارێ زەیتوونێشا بڕیێنێ، هەرپاسە جە دەگاو مەخار جەقەیش ٧٠٪ باخ و باخاتو موستەفا حەموودی حەمالیکۆو جوتیاریشا ڕیشەکێش کەردەن.
هەمان سەرچاوێ ئاماژەشا پانەی کەردەن چەتەکێ سوڵاتان سلێمان شا (ئەل عەمشات) دەستوپێوەنەکێشا کە جە عەفرینەنە جێگیرکریێنێ،
ڕیکوزیا و مافەکا مرۆڤو عەفرین-سوریای ئەرەیاوناش بنەیانە و چەتەکا جە درێژە و تاڵاکارییە ژیوگەیەکانە جە ٢٨ـو ئایاری باخو زەیتوون و جوتیارێوەشا بە نامێ نەزیر موحەمەد کنج خەمیس ڕیشەکێش کەردەن.
جە دیمەنێوەنە کە جوتیار نەزیر موحەمەد کجن خەمیسی جوتیارو خاوەن باخی سەردانو باخەکەیش مکەرۆ، بەرگنۆنە چنین چەتەکێ سەرتاپاو دارە کۆن و گۆرەی باخەکەیشا بڕیینێ.
